ლეგენდარულმა იტალიელმა ფეხბურთელმა ფაბიო კანავარომ „ნაპოლის“ შესახებ კომენტარი გააკეთა.

როგორც მან თქვა, ანტონიო კონტემ ფეხბურთელებს თავდაჯერება დაუბრუნა და გასახდელი გააერთიანა. მისი აზრით, „ნაპოლის“ სხვა გუნდებთან შედარებით უპირატესობა აქვს:

„ნაპოლის“ ძლიერი გუნდი ჰყავს, შარშან რთული სეზონი იყო. კონტემ ფეხბურთელებში თავდაჯერება დააბრუნა, გააერთიანა გასახდელი და გუნდმა გამარჯვებები ხასიათის გამოვლინებით მოიპოვა. „ნაპოლის“ სხვებთან შედარებით უპირატესობა აქვს: ისინი კვირაში ერთხელ თამაშობენ. მათ სატრანსფერო ბაზარზე ბევრი დახარჯეს, მაგრამ შემადგენლობის საფუძველი მანამდეც ძლიერი იყო. როცა „უდინეზეს“ მწვრთნელი ვიყავი, მომიწია „ნაპოლისთან“ შეხვედრა და წარმოუდგენელი ხარისხი დავინახე. გასულ სეზონში მხოლოდ მენტალური და გონებრივი პრობლემები ჰქონდათ“, - თქვა კანავარომ.

შეგახსენებთ, რომ „ნაპოლი“ 9 ქულით სერია A-ში გალიდერდა, მომდევნო მატჩს კი, 21 სექტემბერს, სტუმრად ტურინის „იუვენტუსთან“ ჩაატარებს.