„კალიარის“ ფეხბურთელმა გაბრიელე ძაპამ, რომელიც „ნაპოლისთან“ მატჩში ხვიჩა კვარაცხელიას პერსონალურად მეურვეობდა, მატჩის შემდეგ ქართველ ფეხბურთელზე კომენტარი გააკეთა.

როგორც ძაპამ აღნიშნა, სანამ კვარა გოლს გაიტანდა, მას კარგად ეთამაშებოდა:

„კვარაცხელია შესანიშნავი ფეხბურთელია. ჩემი აზრით, მეორე გოლამდე მას კარგად ვიყვანდით, მაგრამ იმ მომენტში უფრო მჭიდროდ უნდა გვეთამაშა, ასევე მინამაც ლუკაკუს წინააღმდეგ კარგად ითამაშა. საგოლე მომენტები ჩვენც გვქონდა, თუმცა ვერ გამოვიყენეთ“, - თქვა ძაპამ.

შეგახსენებთ, რომ ხვიჩა კვარაცხელიას მიმდინარე სეზონში ყველა ტურნირზე (სერია A და იტალიის თასი) ხუთ მატჩში 2 გოლი და 2 საგოლე პასი აქვს აქტივში. „ნაპოლი“ 9 ქულით სერია A-ში გალიდერდა, მომდევნო მატჩს კი, 21 სექტემბერს, სტუმრად ტურინის „იუვენტუსთან“ ჩაატარებს.