ინგლისის ნაკრების ნახევარმცველებმა დეკლან რაისმა და ჯეკ გრილიშმა დღეს, 7 სექტემბერს, უეფას ერთა ლიგის მატჩში თავიანთ ყოფილ გუნდს ირლანდიის ეროვნულ გუნდს თითო გოლი გაუტანეს.

ირლანდიის ნაკრების გულშემატკივრებმა ფეხბურთელებს არასასიამოვნო დახვედრა მოუწყვეს, ტრიბუნებზე მათი მისამართით შეურაცხმყოფელი ბანერები გამოფინეს და ორივეს დაუსტვინეს. რაისი და გრილიში წარსულში ირლანდიის ახალგაზრდულ ნაკრებში თამაშობდნენ და შემდეგ გადავიდნენ ინგლისში.

მე-11 წუთზე დეკლან რაისმა კარის მარჯვენა ზედა კუთხეში დარტყმით ანგარიში გახსნა. 26-ზე გრილიშმა რაისის გადაცემის შემდეგ შეაგდო.