ესპანური „ბარსელონა" აპირებს Nike-თან ისტორიული 10-წლიანი ხელშეკრულების გაფორმებას - გვამცნობს Barca Universal.
ხელშეკრულების პირობებით, ესპანური კლუბი ყოველწლიურად მიიღებს 90 მილიონ ევროს და 115 მილიონი ევროს ბონუსს. ამჟამად სპორტულ ბრენდთან კონტრაქტისგან „ბარსელონა“ 35 მილიონ ევროს იღებს.
შეგახსენებთ, რომ „ბარსელონას“ ფეხბურთელები ამერიკული კომპანიის ეკიპირებით 1998 წლიდან თამაშობენ და ვარჯიშობენ.
კატალონიელებმა მიმდინარე სეზონი „ვალენსიასთან“ (2:1) და ბილბაოს „ატლეტიკთან (2:1) ორი გამარჯვებით დაიწყეს.
