ბერგამოს „ატალანტამ“ „ტორინოდან“ რაულ ბელანოვა დაიმატა. ტრანსფერი ოფიციალურად დადასტურდა.

24 წლის მარჯვენა მცველმა კონტრაქტს ხელი უკვე მოაწერა. ბელანოვას სანაცვლოდ „ტორინომ“ 22 მილიონი ევრო მიიღო, რასაც ბონუსად 3 მილიონიც დაემატება.

რაულ ბელანოვა „მილანის“ აღზრდილია, სხვადასხვა დროს კი, არაერთ გუნდში ითამაშა - „ბორდოში“, „პესკარაში“, „კალიარიში“, „ინტერსა“ და „ტორინოში“, ხოლო 2019-2020 წლების სეზონში „ატალანტას“ წევრიც იყო, სადაც ის 4-წლიანი პაუზის შემდეგ დაბრუნდა.