„მანჩესტერ სიტიმ“ და საუდურმა „ალ-ჰილალმა“ 30 წლის პორტუგალიელი მარჯვენა მცველის, ჟოაუ კანსელუს შესაძლო ტრანსფერზე შეთანხმებას მიაღწიეს - გვამცნობს City Report. სატრანსფერო კომპენსაციის ოდენობა 35 მილიონი ევროა.

გასული სეზონი ფეხბურთელმა იჯარით ესპანურ „ბარსელონაში“ გაატარა, სადაც ყველა ტურნირზე 42 მატჩში ოთხი ბურთი გაიტანა და ხუთი საგოლე გადაცემა შეასრულა. 2023 წლის იანვრიდან ივნისამდე კანსელუ ასევე იჯარით თამაშობდა მიუნხენის „ბაიერნში.“

ფეხბურთელი „მანჩესტერ სიტიში“ 2019 წლის აგვისტოში გადავიდა იტალიური „იუვენტუსიდან,“ სატრანსფერო კომპენსაციამ 65 მილიონი ევრო შეადგინა.

კანსელუმ პორტუგალიის ნაკრებში 58 მატჩი ჩაატარა, 10 ბურთი გაიტანა და 7 საგოლე გადაცემა შეასრულა.