საქართველოს 21-წლამდე ნაკრების წევრი საბა მამაცაშვილი კარიერას „სირიუსში“ გააგრძელებს. ინფორმაცია შვედური კლუბის ვებგვერდზე ოფიციალურად დადასტურდა.

საბამ კონტრაქტი 2029 წლის ზაფხულამდე გააფორმა. ასე რომ, „იბერიას“ აწ უკვე ყოფილი ფეხბურთელი შვედეთში ითამაშებს.

„ვამაყობ, რომ „სირიუსში“ მოვედი, ეს შესანიშნავი შანსია და ბევრს ვიმუშავებ, რომ საკუთარი თავის საუკეთესო ვერსია წარმოვაჩინო და გუნდი გავაძლიერო“, - თქვა საბამ კონტრაქტზე ხელის მოწერის შემდეგ.

21 წლის ფეხბურთელმა ეროვნული ლიგის მიმდინარე სეზონში 18 მატჩში 3 გოლი გაიტანა, შარშან ის იჯარით „გაგრაში“ თამაშობდა. „სირიუსი“ შვედეთის ჩემპიონატში 18 ტურის შემდეგ 27 ქულით მერვე ადგილზეა, 17 აგვისტოს კი, „გიოტებორგს“ დაუპირისპირდება.