პარიზის ოლიმპიადაზე მაროკოს ოლიმპიურმა ნაკრებმა ბრინჯაოს მედალი მოიპოვა. მესამე ადგილისთვის შეხვედრაში მაროკოელებმა ეგვიპტის ნაკრები 6:0 გაანადგურეს.
მაროკომ მთელი ტურნირი ძალიან მაღალ დონეზე ჩაატარა და მედლის მოპოვება დამსახურებულად მოახერხა. ეგვიპტესაც არანაირი შანსი არ მისცა. დუბლი შეასრულა სოფიან რაჰიმიმ, ერთი ბურთი აშრაფ ჰაკიმის აქტივშიცაა.
შეგახსენებთ, რომ ფინალში 9 აგვისტოს, საფრანგეთის და ესპანეთის ნაკრებები შეხვდებიან.
