ინგლისის ნაკრების კაპიტანმა ჰარი კეინმა ევროპის ჩემპიონატის ფინალში მარცხის შემდეგ ისაუბრა. როგორც მან თქვა, ეს ხელიდან გაშვებული შანსია, რაც ძალიან მტკივნეულია.

„რთულია სიტყვებით გადმოსცე, რასაც ახლა ვგრძნობთ. მძიმე მატჩი იყო, მოვახერხეთ თამაშში დაბრუნება, მაგრამ გაგვიჭირდა. ასე გვიან გოლის გაშვებასთან შეგუება ნამდვილად რთულია. პირველ ტაიმში გაგვიჭირდა, ბურთს ვერ ვინარჩუნებდით. მეორე ტაიმი უკეთესი იყო, ბოლოს ერთი ჩაწოდებით გვაჯობეს და ეს იყო დასასრული.

ეს არის ხელიდან გაშვებული შანსი. ფინალში გასვლა ადვილი არ არის, მაგრამ უნდა გამოიყენო შანსი, როცა თავიდან გეძლევა. ძალიან მტკივნეულია და დიდი ხნის განმავლობაში ასე იქნება. გვინდოდა გარეთის გამო მოგვეგო“, - თქვა კეინმა.

შეგახსენებთ, რომ ჰარი კეინს კარიერაში ტიტული არ აქვს მოგებული. ინგლისის ნაკრები ევროპის ჩემპიონატის ფინალში ზედიზედ მეორედ დამარცხდა.