„ნაპოლი“ იტალიელი მარცხენა მცველის, ლეონარდო სპინაცოლას ტრანსფერთან ახლოსაა. როგორც ადგილობრივი მედია წერს, დღეს მხარეებს შორის კიდევ ერთი შეხვედრა შედგება.

„ნაპოლის“ და სპინაცოლას წარმომადგენლებმა შეთანხმება ხელფასზე უნდა მიაღწიონ, რის შედეგადაც იტალიელი მცველი „აძურისთან“ ორწლიან კონტრაქტს გააფორმებს.

ლეონარდო სპინაცოლას „რომასთან“ კონტრაქტი ამოეწურა, შესაბამისად, თავისუფალი აგენტია და ახალ გუნდში გადასვლა უფასოდ შეუძლია.

სპინაცოლას არაერთგან უთამაშია, „რომამდე“, „იუვენტუსის“ და „ატალანტას“ წევრი იყო. მისი კარიერის პიკი გახლდათ 2021 წელს, ევროპის ჩემპიონატზე, როდესაც შესანიშნავად ითამაშა და „სკუადრა აძურას“ რიგებში ჩემპიონიც გახდა.