გერმანიის საფეხბურთო კავშირის პრეზიდენტმა ბერნდ ნოიენდორფმა 2024 წლის ევროპის ჩემპიონატის გახსნის წინ ისაუბრა.

„ევრო 2024 კიდევ ერთხელ დაამტკიცებს, რომ გერმანია ფეხბურთის მოყვარული ქვეყანაა. ამ ტურნირს ჩვენთვის გრძელვადიანი შედეგები ექნება. არა მხოლოდ იმიტომ, რომ შესანიშნავი თამაშები და შესანიშნავი ატმოსფერო იქნება, არამედ იმიტომ, რომ ევროპის ჩემპიონატი მკაფიო პრიორიტეტებს დაადგენს მდგრადი განვითარებისა და სამოყვარულო ფეხბურთის პოპულარიზაციის სფეროში სხვადასხვა ღონისძიებებითა და პროექტებით.

გისურვებთ თქვენ და ჩვენ ყველას რამდენიმე ფანტასტიკურ კვირას საინტერესო ფეხბურთით და შთამაგონებელი შეხვედრებით, როგორც სტადიონებზე, ასევე მის ფარგლებს გარეთ“, - თქვა ნოიენდორფმა უეფას ოფიციალურ ვებგვერდზე.

შეგახსენებთ, რომ ევრო 2024 დღეს, 14 ივნისს გაიხსნება მიუნხენში გერმანია-შოტლანდიის მატჩით. შეხვედრა თბილისის დროით 23 საათზე დაიწყება.