ხვიჩა კვარაცხელია „ნაპოლის“ ფანების გამოკითხვით მაისის თვეში გუნდის საუკეთესო ფეხბურთელად დასახელდა.

ხვიჩა ფანებმა ზედიზედ მეორედ, 2023-2024 წლების სეზონში კი, მესამედ დაასახელეს თვის საუკეთესო ფეხბურთელად. მაისში კვარამ ერთი გოლი გაიტანა, როდესაც ფლორენციის „ფიორენტინას“ კარი ულამაზესი საჯარიმო დარტყმით დალაშქრა.

შეგახსენებთ, რომ ხვიჩა კვარაცხელიამ აწ დასრულებულ სეზონში 45 მატჩში მიიღო მონაწილეობა, 11 გოლი გაიტანა და 7 საგოლე პასი მიითვალა.