საქართველოს ეროვნული ლიგის მეოთხე ტური თელავში დასრულდა, სადაც ადგილობრივ კლუბს „დინამო ბათუმმა“ აჯობა.

მატჩი დაძაბული გამოდგა. ორივე გუნდს ჰქონდა საგოლე მომენტები, მაგრამ მხოლოდ ერთი გოლი გავიდა, რომელიც 38-ე წუთზე ახლო მანძილიდან დავით მუჯირმა გაიტანა და ბათუმელებს 1:0 მოაგებინა.

„დინამო ბათუმი“ ერთადერთი უდანაკარგო გუნდია ოთხი ტურის შემდეგ და 12 ქულით ლიდერია, მომდევნო ტურში კი ქუთაისის „ტორპედოს“ 29 მარტს დაუპირისპირდება. „თელავს“ 3 ქულით მეშვიდე ადგილი უკავია, ხოლო მომდევნო შეხვედრას „კოლხეთთან“ ჩაატარებს.

„თელავი“ – „დინამო ბათუმი“ 0:1 (0:1)

გოლი: 0:1 მუჯირი (38)