ყაზახეთის ნაკრები ევროპის ჩემპიონატის საგზურისთვის ბრძოლას აგრძელებს, მიუხედავად იმისა, რომ სულ მცირე ერთა ლიგის პლეი-ოფში მონაწილეობა გარანტირებული აქვს.
ყაზახებმა ამჯერად უშუალო კონკურენტ ფინეთს ჰელსინკიში აჯობეს! არადა, პირველმა გაუშვეს და 77-ე წუთამდე აგებდნენ, მაგრამ ბოლო წუთებზე ორი გოლი გაიტანეს და უმნიშვნელოვანესი 3 ქულა მოიპოვეს.
ამ შედეგმა შეიძლება არა მარტო ჯგუფში, არამედ ერთა ლიგის პლეი-ოფში შეცვალოს სიტუაცია, სადაც საქართველო თამაშობს, თუმცა, ყაზახთა შანსი მაინც არ არის დიდი.
ყაზახეთი 15 ქულით მესამე ადგილზეა და ქულით ჩამორჩება სლოვენიასა და დანიას, მაგრამ მატჩით მეტი აქვს ჩატარებული. სწორედ ესაა ყაზახეთის ნაკრებისთვის პრობლემა, ბოლო ორ ტურში კი სან მარინოს და სლოვენიას ეთამაშება.
