საქართველოს ნაკრებმა ქალთა ერთა ლიგაზე სადებიუტო მატჩი თურქეთის ნაკრებთან გამართა და 0:3 დამარცხდა.

ირის ანტმანის გუნდმა, რომელიც C დივიზიონის მეორე ჯგუფში ასპარეზობს, მეტოქეს დიდი წინააღმდეგობა ვერ გაუწია. თურქები უკეთ ირჯებოდნენ და დამსახურებულადაც იმარჯვეს.

სტუმრებმა პირველ ტაიმში ორი გოლი გაიტანეს, მეორე ტაიმში კი უპირატესობა გზარდეს. აღსანიშნავია, რომ 54-ე წუთზე, როცა ანგარიში 0:2 იყო, ანა ჩემინავას სხვაობის შემცირება შეეძლო, მაგრამ პენალტი კარს ააცილა.

საქართველოს ნაკრები მეორე ტურში 26 სექტემბერს, სტუმრად ლუქსემბურგს შეხვდება, რომელმაც ამ ტურში ლიეტუვას 2:0 აჯობა.

საქართველო - თურქეთი 0:3 (0:2)

გოლები: 0:1 ჯინი (5), 0:2 სადიკოღლუ (41), 0:3 ურაზი (71)