„მანჩესტერ იუნაიტედი“ დავიდ დე ხეამ დატოვა. ინფორმაცია ინგლისური კლუბის ვებგვერდმა ოფიციალურად დაადასტურა.

ესპანელს კონტრაქტი ამოეწურა და თავისუფალი აგენტი გახდა. დე ხეა „მანჩესტერმა“ 2011 წელს „ატლეტიკოდან“ შეიძინა და მან მანკუნიანელთა რიგებში ედვინ ვან დერ სარი შეცვალა. 12 წლის განმავლობაში დავიდმა „წითელი ეშმაკების“ რიგებში 545 თამაში ჩაატარა.

„მანჩესტერი“ ახლოსაა ანდრე ონანას შეძენასთან, შესაბამისად, ესპანელს სავარაუდოდ კამერუნელი მეკარე შეცვლის.

დე ხეას მომავალს კი საუდის არაბეთს უკავშირებენ. ბრიტანული მედიის ინფორმაციით, ის დიდი ალბათობით კარიერას „ალ-ნასრში“ გააგრძელებს, სადაც კრიშტიანუ რონალდუ თამაშობს.