კრიშტიანუ რონალდუმ საფეხბურთო ისტორია კიდევ ერთხელ გადაწერა. ის გახდა პირველი ფეხბურთელი, რომელმაც სანაკრებო დონეზე 200 მატჩი ჩაატარა.

ისლანდიასთან მატჩი რონალდუსთვის პორტუგალიის ნაკრების მაისურით მე-200 გამოდგა და ცხადია, რომ ნაკრებში ამდენჯერ არავის არასდროს უთამაშია. მან საიუბილეო თამაში გოლით აღნიშნა, რომელიც 89-ე წუთზე გაიტანა და პორტუგალიას 1:0 მოაგებინა.

კრიშტიანუს დებიუტი ეროვნულ გუნდში ზუსტად 20 წლის წინ, 2003 წელს ჰქონდა... მას შემდეგ მან 200 შეხვედრაში 123 გოლი გაიტანა.