„მანჩესტერ იუნაიტედი“ „ბარსელონას“ თავდამსხმელის, ანსუ ფატის გადაბირებით ინტერესდება. ინფორმაციას Sport-ი ავრცელებს.
წყაროს თანახმად, „წითელ ეშმაკებს“ ესპანელი შემტევის შეძენა მომდევნო ზაფხულს ეცდება. ჯერჯერობით, სხვა დეტალები უცნობია.
ანსუ ფატი „ბარსელონას“ ძირითადი შემადგენლობის უცვლელი წევრი არ არის და ხშირად სათადარიგო სკამზე ყოფნა უწევს. მიმდინარე სეზონში ანსუმ „ბლაუგრანაში“ 30 მატჩი ჩაატარა და 6 გოლი გაიტანა, სამჯერ კი საგოლე პასი გააკეთა.
