დავით ხოჭოლავას „კოპენჰაგენმა“ მწვრთნელი შეიცვალა. დანიური კლუბიდან იეს თორუპი დაითხოვეს.

მიუხედავად იმისა, რომ თორუპმა „კოპენჰაგენს“ გასულ სეზონში ჩემპიონობა მოაპოვებინა და მიმდინარე სეზონში ჩემპიონთა ლიგის ჯგუფურ ეტაპზეც გაიყვანა, სამსახური მაინც ვერ შეინარჩუნა. დანიის ჩემპიონისთვის ეს სეზონი კარგად არ დაწყებულა და დანიის სუპერლიგაში 10 ტურის შემდეგ მხოლოდ 12 ქულით მეცხრე ადგილზეა.

„კოპენჰაგენს“ ამიერიდან იაკობ ნეესტრუპი გაწვრთნის, რომელიც აქამდე კლუბის სამწვრთნელო შტაბში მუშაობდა. მან დანიელებთან კონტრაქტი 2026 წლამდე გააფორმა.

აქვე გეტყვით, რომ დავით ხოჭოლავამ მიმდინარე სეზონში „კოპენჰაგენში“ 10 მატჩი ჩაატარა და 1 გოლი გაიტანა.