კრიშტიანუ რონალდუს „მანჩესტერ იუნაიტედიდან“ წასვლის შანსი გაიზარდა. პორტუგალიელ ფეხბურთელს კლუბთან ერთად ჯერ არ უვარჯიშია, მიუხედავად იმისა, რომ ინგლისურმა გრანდმა მზადება დაიწყო.
ოფიციალურ განცხადებაში ნათქვამი იყო, რომ რონალდუს არვარჯიშის მიზეზი ოჯახური გარემოებებია. ახლა კი, ცნობილი გახდა, რომ კრიშტიანუ გუნდთან ერთად ბანგკოკის ტურნეში არ იქნება. ჯერჯერობით, უცნობია, როდემდე იქნება რონალდუ გუნდს მიღმა.
შეგახსენებთ, მას „იუნაიტედთან“ კონტრაქტი 2023 წელს ეწურება და ბოლო პერიოდში მისი სავარაუდო წასვლის შესახებ ინფორმაცია ხშირად ვრცელდება. კრიშტიანუ „მანჩესტერში“ ერთი წლის წინ „იუვენტუსიდან“ დაბრუნდა.
