გორის „დილამ“ უნგრული „ჰონვედიდან“ 20 წლის ფეხბურთელი ტიერი გალე დაიმატა. როგორც ქართული კლუბი იტყობინება, მხარეებმა კონტრაქტი 2024 წლამდე გააფორმეს.

გალე „ჰონვედის“ ღირსებას 2020 წლიდან იცავდა და 17 მატჩში 1 გოლი გაიტანა. მას ბარბადოსის ნაკრებში 6-ჯერ უთამაშია და თავი ერთხელ გამოიჩინა.

შეგახსენებთ, რომ გორის „დილა“ კონფერენს ლიგის პირველ საკვალიფიკაციო ეტაპზე ფინურ „კუპსს“ შეხვდება.