ესპანეთის ნაკრებისა და „ვილიარეალის“ ცენტრალური მცველი პაუ ტორესი „მანჩესტერ იუნაიტედის“ ინტერესის სფეროში მოხვდა.

ფაბრიციო რომანოს ინფორმაციით, ინგლისური გრანდი 25 წლის მცველის შეძენას განიხილავს და ტრანსფერის ინიციატორი ერიკ ტენ ჰაგია, რომელიც „მანჩესტერს“ ზაფხულში ჩაიბარებს.

პაუ ტორესი „ვილიარეალის“ აღზრდილია და მთავარ გუნდში 130 მატჩში 10 გოლი აქვს გატანილი. ესპანური კლუბი მას დაახლოებით 55-60 მილიონ ევროდ აფასებს.