ლეგენდარული ფეხბურთელი ედგარ დავიდსი ნიდერლანდების ნაკრებში დაბრუნდა და სამწვრთნელო შტაბში იმუშავებს.
დავიდსი ლუის ვან გაალის ასისტენტი გახდა და ფრანკ ფრეიზერი შეცვალა. ეს მისი პირველი სამწვრთნელო გამოცდილება არ არის. ედგარს მთავარ მწვრთნელადაც უმუშავია, თუმცა დაბალი დონის კლუბებში და თან წარუმატებლად.
ედგარ დავიდსი და ლუის ვან გაალი ერთმანეთს ძალიან კარგად იცნობენ. სწორედ ვან გაალის „აიაქსში“ გამოჩნდა ახალგაზრდა დავიდსი და მისი შესანიშნავი კარიერის საწყისი ნაბიჯებიც გამოცდილ სპეციალისტთან გადადგა.
