„პარი სენ ჟერმენის“ მცველი სერხიო რამოსი გამოჯანმრთელდა და გუნდთან ერთად ივარჯიშა. ამის შესახებ ინფორმაცია Le Parisien-მა გაავრცელა.
ესპანელი ფეხბურთელი მიმდინარე სეზონის განმავლობაში ტრავმირებული იყო და ამის გამო ჭორებიც გავრცელდა, რომ კლუბი მასთან კონტრაქტის გაწყვეტაზე ფიქრობდა.
რამოსი პსჟ-ს გასულ ზაფხულს მადრიდის „რეალიდან“ თავისუფალი აგენტის სტატუსით შეუერთდა, მაგრამ ჯერჯერობით ფრანგული გუნდის მაისურით სადებიუტო თამაში არ ჩაუტარებია.
