გერმანელი ფეხბურთელი კევინ-პრინს ბოატენგი "ჰერტაში" დაბრუნდა და გერმანულ კლუბს მომდევნო სეზონში დაეხმარება. აღნიშნული ინფორმაცია ბერლინელთა ოფიციალურმა ვებგვერდმა გაავრცელა. გერმანელი "ჰერტას" თავისუფალი აგენტის სტატუსით შეუერთდა.

ბოატენგი გასულ სეზონში იტალიურ "მონცაში" თამაშობდა და სერია B-ში ჩატარებულ 25 შეხვედრაში ხუთი გოლი გაიტანა და ოთხი საგოლე გადაცემა შეასრულა. კევინ-პრინსი "ჰერტას" აკადემიის აღზრდილია და კლუბი 2007 წელს დატოვა, როდესაც "ტოტენჰემში" გადავიდა.