ევროპის 2022 წლის ჩემპიონატის შესარჩევ ციკლში საქართველოს საკალათბურთო ნაკრები ბრწყინვალედ და უდანაკარგოდ ასპარეზობს. ეს იმის ფონზე, რომ ილიას ზუროსის გუნდს ბევრი მნიშვნელოვანი მოთამაშე აკლია და რაც მთავარია, სატურნირო მოტივაცია არ გააჩნია - ფინალური ეტაპის საგზური ისედაც მოპოვებული აქვს, მეტოქეებისგან განსხვავებით.
საქართველომ მორიგი მნიშვნელოვანი გამარჯვება ფინეთში მოიპოვა, სადაც ფინეთის ნაკრები მძიმე ბრძოლაში 91:85 დაამარცხა. მთლიანობაში ქართველი კალათბურთელები უკეთ ირჯებოდნენ და დამსახურებულად იმარჯვეს. სხვა თუ არაფერია, ოთხიდან სამი პერიოდი საქართველოს ნაკრების სასარგებლოდ დასრულდა და შედეგი სრულიად ლოგიკურია.
ბოლო, მეოთხე პერიოდის წინ ანგარიში თანაბარი იყო და ყველაფერი ბოლო 10 წუთში გადაწყდა, სადაც ზუროსის გუნდმა გაცილებით მაღალ დონეზე ითამაშა, ვიდრე მეტოქემ, რომელიც აშკარად დაჯაბნა. საბოლოოდ, საქართველოს ნაკრებმა ექვსი ქულის სხვაობით, 91:85 მოიგო.
ბრწყინვალე იყო გიორგი შერმადინი. საქართველოს ნაკრების ცენტრმა 34:23 წუთში 27 ქულა, 10 მოხსნა და 3 პასი მიითვალა და ორივე გუნდში ცალსახად საუკეთესო გახლდათ. თორნიკე შენგელიამაც ულიდერა გუნდს - 34:14 წუთში 19 ქულა, 8 მოხსნა და 4 პასი. თად მაკფადენმა სამქულიანები ძალიან ცუდად ისროლა, მაგრამ ამის მიუხედავად ორმაგი დუბლი მაინც გაიფორმა და გამარჯვებაში მასაც დიდი წვლილი მიუძღვის - 14 ქულა და 10 პასი.
საქართველოს ნაკრების თამაშმა სწორედ ხსენებული მოთამაშეების მხრებზე გადაიარა, მაგრამ არ შეიძლება არ აღინიშნოს ეროვნული ნაკრების დებიუტანტების ძალიან დამაჯერებელი გარჯა. გივი ბაქრაძემ 17:52 წუთში 10 ქულა, 2 პასი და 1 მოხსნა მიითვალა, ხოლო ალექსანდრე ფევაძემ 24:24 წუთში 11 ქულა და 6 მოხსნა დააგროვა, რაც ნაკრებში პირველი თამაშის კვალობაზე მართლაც შესანიშნავი მონაგარია და არაფერი დაეწუნება.
ამასობაში, საქართველოს ნაკრებს 3 მატჩში 3 გამარჯვებით ჯგუფში პირველი ადგილი უკავია და ის ფაქტი, რომ ფინალურ ეტაპზე თამაშის უფლება მოპოვებული აქვს, ჩვენს გუნდზე საერთოდ არ მოქმედებს, რაც სასიამოვნოა. ილიას ზუროსის გუნდი მეოთხე ტურში 30 ნოემბერს, შვეიცარიის ნაკრებს, რომელმაც სხვათა შორის დღეს სენსაციურად სერბეთი დაამარცხა, თბილისის დროით 18:00 საათზე დაუპირისპირდება.
ფინეთი - საქართველო 85:91 (19:22, 21:22, 25:21, 20:26)
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
ახლა გაბაზრდა, რომ ზუროსის გადასაბირებლად დაცხეს ერთმანეთს რაგბის და ფეხბურთის ფედერაციებმა (:
მადლობა ილიას ზუროსს და თითოეულ კალათბურთელს ამ გამარჯვებისთვის, მართლაც რომ ვისიამოვნე. გამაოცეს ბაქრაძემ და ფევაძემ, სხვებმაც კარგად აუბეს მხარი და ყოჩაღ ზუროსს, რომ შიდა ჩემპიონატის მოთამაშეებს ასეთი კარგი შანსი მისცა, დაუფასეს ბიჭებმა. ფაქტია, რომ ამ თამაშებში რამდენიმე ახალი სახე გამოიკვეთება, რომლებზე დაყრდნობაც შესაძლებელი იქნება მომავალში. განსაკუთრებით მომეწონა ის, რომ დებიუტის ფონზე არა თუ არ ნერვიულობდნენ, აგრესიულად, თავდაჯერებით და კარგი გაგებით თავხედურად ითამაშეს და ამან განაპირობა კიდეც ჩვენი მოგება. ცოტა თოკო ვერ იყო რიგ ეპიზოდებში მოწოდების სიმაღლეზე, ბევრჯერ გაიჭედა და უაზროდ დაკარგა ბურთი, მაგრამ თოკო მაინც თოკოა და ეს ბევრჯერ დაამტკიცა გუშინდელ მატჩში. აი, შერმინატორი კი ძალიან მაგარია, ბოლო წლებში მაგრად გაიხსნა გიო და უდავოდ ევროპის ერთ-ერთი საუკეთესო ცენტრია. წარმატებები ჩვენს ბიჭებს!!!
არცთუ ძლიერ ფინეთთანო ვიღაცამ დაწერა... ფაჩულია სანიკიძე მარკოიშვილით ვერ ვუგებდით ფინეთს ან ძლივს.... ეს ზუროსი მართლა ჯადოქარია გამაგიჟა კაცი...
+100
ჯერ ერთი მარტო შერმადინი ავიღოდ, რომელმაც პრინციპში მოიგო თამაში, მაშინ კოპონენი( ტოპ გუნდებში მაგ- ბარსელონაშიც ნათამაშევია) ყავდა ფინეთს და მეტად ძლიერიც იყო ახლანდელზე, ჩვენ კი ფეხბურთელებისა არ იყოს მხოლოდ ინდივიდუალური თამაშით გვინდოდა ფონს გასვლა, სტყორცნები ხომ ჩვენი აქილევსის ქუსლია, სერბეთს თედის დამსახურებით მოვუგეთ, ახლა შერმადინის, ასე შორს ვერ წავალთ, ვირაცას თუ არ წაუვიდა თამაში მერე?!. ძალიან გამიხარდა ახლების დამაჯერებელი თამაში, მაინტერესებს მამუკელაშვილის მეორე შანსის ეფექტი, მიხარია რომ ნაკრებს პოტენცია აქვს, მაგრამ გუნდურობა მოსამატებელია და ეს უაზრო დაკარგვები ძალიან შესამცირებელი... წინ საქართველო , მეტი დაფინასება ამათ უნდად...
მაქფადენი
ფევაძე
ბაქრაძე
ბოქოლიშვილი
შერმადინი
შენგელია
კორსანტია
მადლობა ჩვენს ნაკრებს, მადლობა ზუროსს ! ! !
ძაან შესუსტებული შემაფგენლობით ვიყავით და სიმართლე რომ ვთქვა გამარჯვების დიდი იმედი არ მქონდა, მაგრამ ფევაძემ და ბაქრაძემ მოსალოდნელზე ბევრად კარგი თამაში აჩვენეს. თოკო ჯერ არ არის ფორმაში და მგონი რეალთან ითამაშა შედარებით ნორმალური თამაში, თორე ბოლო ტურებში ძალიან ცუდ ფორმაში იყო და აქაც დასვენების გარეშე მოუწია გამოსვლა და უკეთეს თამაშს არც ველოდი მისგან საკმაოდ შედეგიანი იყო, მაკფადენს სრიკები არ წაუვიდა, მაგრამ კარგი ასისტები გააკეთა და მაინც ვერ ჩავუწერდი ამ თამაშს პასივში და ბოლოდ გიომ ზუსტად ის გააკეთა რასაც ველოდი მისგან, ეა იყო გიორგის ფოტმიდან გამომდინარე ისეთი თამაში რაც მას ეკადრება და კიდევ უფრო მეტად რომ დატვირთულიყო ალბათ 35-40 ქულაში იქნებოდა. სხვა ბიჭებმაც მონდომებით ითაშეს და ვიღაცას მეტი გამოუვიფა ვიღაცას ნაკლები, მაგრამ შედეგით ძალიან კმაყოფილი ვარ და მგონია რომ ევროპაზე ძალიან მაგარი გუნდი გვეყოლება მოკლე სკამის პრობლემაც აღარ გვრქნრბა
sos! კარგია მოგება,გილოცავთ. მაგრამ ბევრი პრობლემა გამოჩნდა, არცთუ ძლიერ ფინეთთან. დროზეა საჭირო ამაზე ყურადღების გამახვილება, თორემ ფეხბურთივით დაგვემართება. პოზიტივი იყო დებიუტანტების მოულოდნელად კარგი თამაში,+ შერმადინმა კი მოიგო ეს თამაში. ჩავარდნა ყველას შეიძლება ქონდეს (მაგ თედი), მაფიქრებს თოკოს მდგომარეობა, ასეთი შეცდომები( უაზრო) ბასკონიაშიც მოსდიოდა- და რაღაცნაირად აკომპესირებდა, მაგრამ რაც ბოლო პერიოდში ხდება( ბოლო თამაშში რეალთან ცოტა გავაკდა) ....ამდენი უაზრო , სხვანაირად ვერც უწოდებ, დაკარგვა მის ეფექტიანობას საგრძნობლად ამცირებს. არ შეიძლება როცა თამაში არ მიგდის ასეთი დატვირთვა.ზუროსი ალბად ანგარიშს უწევდა. იმედია საჭირო დროს უკეთესად იქნება ყველაფერი, შემდეგ თამაშში გამოჩნდება როგორი დასკვნებია გამოტანილი- არ მინდა ფეხბურთის მწარე ხვედრი გამეორდეს და როცა რაღაცაზე პრეტენზია გვაქვს- მოსაგები ვერ მოვიგოთ მით უმეტეს ჩვენ საკბილოსთან.
გენაცვალეთ
ისე ფინელებმა ადრე ბერჯერ გაგვაწვალეს ადრეულ წლებში თავისი კოპონენებით და მსგავსი მაწაკებით და ეკუთვნოდათ დღევანდელი წაგება.D
ბაქრაძე ფევაძე, ძაან კარგები იყო, იმედია ასე გააგრძელებენ და ბოქოლიშვილივით არ მოუვათ, რომელსაც ჩინებული დებიუტი ჰქონდა ნაკრებში და მერე მაგრად მოუკლო.
მართალია, ოხ ეს მენტალიტეტი...
ბაქრაძე მომეწონა საკმაოდ კარგი იყო, ისე შიდა ჩემიონატის დონე აწეულა კალათბურთში როგორჩ ჩანს !
კარგია ნამდვილად, ძლივს რაღაც სპორტში მივაღწიეთ წარმატებას, თან მომავლის იმედით... კარგია ამ გუნდს ბითაძე, ბურჯანაძე, ანდრონიკაშვილი, ცინცაძე რომ დაემატებიან ერთ-ერთი ძლიერი გუნდი ვიქნებით !!
სანდრო მამუკელაშვილი.
წლებია ამ ბიჭების თამაშს ვუყურებ და შთაბეჭდილება მრჩება,რომ უბრალოდ რაღაც აუხსნელ მოვლენასთან გვაქსვ საქმე და ვიტყვი რასაც ვგულისხმობ.გადიან ევროპის ჩემპიონატზე სტაბილურად,მე არ მახსენდება ამათი წაგებული თამაშიც კი სადაც რომელიმე მათგანზე ვიტყოდი არ დაიხარჯათქო,გუნდზე საუბარი ხო ზედმეტია,ეგეთი რამე არასოდეს ყოფილა.საიდან დაიძრნენ და რა დონემდე მივიდნე,თაობები შეიცვალა და ამ გუნდის თამაშის ხარისხს არაფერი დატყობია და ჩავარდნის გარეშე გარეშე უჭირავთ სტაბილურად მაღალი დონე. .თამაშობენ მუდამ ჯიგრით,რწმენით,პროფესიონალიზმით და ქვეყნის სიყვარულით. მწვრთნელი ყოველთვის ყავთ აი ზუსტად ჩვენ რო გვჭირდება და გვერგება. ხოდა ეხლა მე ვსვამ კითხვას ამ სპორტში რატომ არ ვდებთ თუნდაც 3 ჯერ მეტ ფინანსებს? და როტომ ვდებთ ისეთ სპორტში ამხელა ფინანსებს რომელსაც 30 წლის განმავლობაში სირცხვილის მეტი ემოცია არაფერი მოუტანია? ყველამ კარგად ვიცით რომ კალათბურთი სპორტის ნომერი მეორე სახეობაა და რეალობას რომ შევხედოთ 5 ჯერ ნაკლები ფინანსებით რაც ფეხბურთს ხმარდება შესაძლებელია ეს სპორტი ლიტვის ხარისხზე გავიყვანოთ... რა ვერ დაგვარწმუნეს ამ ბიჭებმა,რომ თუ ეს სპორტი ამ დონეზე გავიდა ამ სახსრებით მაშინ მგონი ადვილი წარმოსადგენია რა შიეძლება მოხდეს ფინანსების გახუთმაგებით...
ერი ვართ დაბალი
ეგ კი არა ჩვენი მონაცემებით უკვე თანამედროვე ფეხბურთიც ჭირს
კარგია!