გერმანიის ეროვნული ნაკრების საყრდენი იოზუა კიმიხი გულშემატკივრებმა გამოკითხვის შედეგად მიუნხენის "ბაიერნის" ოქტომბრის თვის საუკეთესო ფეხბურთელად დაასახელეს. აღნიშნულ ინფორმაციას კლუბის ტვიტერის გვერდი ავრცელებს.
კიმიხმა გულშემატკივრების ხმების 31% მიიღო, რობერ ლევანდოვსკიმ - 25%, ხოლო თომას მიულერმა - 16%. გასულ თვეში იოზუამ ყველა ტურნირზე ექვსი მატჩი ჩაატარა, გაიტანა სამი გოლი და ერთი საგოლე გადაცემა შეასრულა. ამჟამად კიმიხი ტრავმირებულია და მიმდინარე წელს თამაშს ვერ შეძლებს.
