ფეხბურთი

19:23 | 20.08.2020 | ნანახია 1164 - ჯერ

ოფიციალურად: "გენტის" ახალი მწვრთნელი ცნობილია

ბელგიური „გენტის“ მთავარი მწვრთნელის პოსტზე ლასლო ბოლონი ოფიციალურად დაინიშნა. ბელგიელთა ვებგვერდის ცნობით, რუმინელმა ორწლიანი კონტრაქტი გააფორმა. ამრიგად, გიორგი ჩაკვეტაძესა და გიორგი ქვილითაიას ძალიან გამოცდილი 67 წლის რუმინელი გაწვრთნის.

ბოლონმა იეს თორუპი შეცვალა, რომელიც სეზონის სტარტზე განცდილი ორი მარცხის გამო გუნდიდან დაითხოვეს. დანიელი „გენტს“ 2018 წლიდან ავარჯიშებდა, გასულ სეზონში ბელგიის ვიცე-ჩემპიონი გახდა, ხოლო 2019 წელს ბელგიის თასის ფინალში გაიყვანა.

რაც შეეხება ლასლო ბოლონს, „ნანსიში“, რუმინეთის ნაკრებში, „რენში“, „მონაკოში“, „სპორტინგში“, „ალ-ჯაზირაში“, „სტანდარდში“, „ალ-ბაჰდაში“, „ლანსში“, პაოკ-ში, „ალ-ჰორში“, „ალ-იტიჰადსა“ და „ანტვერპენში“ უმუშავია. ერთხელ ბელგიის ჩემპიონი გახდა, ორჯერ ბელგიის სუპერთასის გამარჯვებული, ხოლო თითოჯერ პორტუგალიის ჩემპიონობა, თასისა და სუპერთასის მოგება მოახერხა. გარდა ამისა, გასულ სეზონში "ანტვერპენი" ბელგიის თასის ფინალში გაიყვანა, სადაც მისმა გუნდმა მოიგო, მაგრამ ფინალის დროს ის უკვე აღარ მუშაობდა მთავარი მწვრთნელის პოსტზე.

საინტერესოა, რომ ლასლო ბოლონი ლისაბონის „სპორტინგში“ კრიშტიანუ რონალდუს პირველი მწვრთნელი იყო პროფესიონალურ ფეხბურთში.


კომენტარები (5)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

09:51 | 21.08.2020
dinamo222 (8587)

მაგარი კიდევ ისაა რომ გენტს შემდეგი თამაში ზუსტად ანტვერპენთან აქვს ხვალ D და საინტერესოა ეს ბიოლიონი როგორ ათამაშენს გენტს ? ფეოლასავით ხომ არ დაარიგებს და ხო არ დაუყვირებს ---ქვილითაია დაცვას მიხედეე დაცვაას გოლებს სხვებიც გაიტანენო D

09:41 | 21.08.2020
dinamo222 (8587)

მადლობა ღმეერთს რომ გააგდეს ის იდიოტი ! იქნება ამ ბიოლიონმა გადმოხედოს კარგი თვალით ჩვენებს ! პირველ რიგში იმ თორუპის ლუბიმჩიკ დეპუატრს გაუშვებს გუნდიდან არაფრის მაქნისი რომ არაა და ქვილითაიასაც მიეცემა შანსი

02:29 | 21.08.2020
araza-1918 (6330)

ანთიმოზ ივერიელმა რუმინრთის ეკლესია ააღობძინა ლასლო გვიშველე

23:23 | 20.08.2020
valeri8848 (2622)

ოოოოო გაგვიზარდოს მეორე რონალდო ოღონდ ქართველი

21:48 | 20.08.2020
welder (1068)

იმედია ჩვენს ბიჭებს კარგი თვალით შეხედავს

0.0655