დღეს, ესტონეთის ტალინში დასრულდება მსოფლიოს ახალგაზრდული პირველობა ჭიდაობაში. შეჯიბრების ბოლო დღეს საქართველოს ბერძნულ-რომაული სტილით მოჭიდავეთა ნაკრების წევრებს 1 ოქროსა და 1 ბრინჯაოს მედლის მოპოვების შანსი აქვთ.

გიორგი შოთაძე (67 კგ.) ფინალში დამაჯერებლად გავიდა, ყველა მეტოქეს აშკარა უპირატესობით მოუგო, ოქროს მედლისათვის კი სომეხ შანტ ხაჩატრიანს შეხვდება.

ბრინჯაოს მედლისათვის ბრძოლას დამამშვიდებელი წრიდან გააგრძელებს დიეგო ჩხიკვაძე (60 კგ).

დამამშვიდებელი წრის შეხვედრები - 17:00 საათიდან, ხოლო ფინალური ბლოკი 19:00 საათიდან დაიწყება.