საქართველოს ნაკრებისა და ტულის „არსენალის“ მცველმა გია გრიგალავამ 2019-2020 წლების სეზონი ჩინებულად დაიწყო და რუსეთის პრემიერლიგის პირველივე ტურში მოსკოვის „დინამოს“ ეფექტური გოლი გაუტანა.
29 წლის ქართველი ფეხბურთელი Советский спорт-ს ესაუბრა და როგორც მიმდინარე მოვლენებზე, ისე წარსულზე მოუწია კომენტარის გაკეთება.
- გასულ სეზონში ერთხელ გაიტანეთ, მოსკოვის „დინამოსთან“. ახლაც სეზონი დაიწყო და „დინამოს“ გაუტანეთ. ეს დამთხვევაა?
- დიახ, ისე გამოდის, რომ მხოლოდ „დინამოსთან“ ვახერხებ გატანას და უკვე ჩემი საყვარელი გუნდი გახდა (იღიმის).
- სეზონის მიზანი უკვე შესრულებულია თუ კიდევ აპირებთ გატანას?
- ნამდვილად მინდა ამ სეზონში უფრო მეტი გოლი გავიტანო, ვიდრე გასულ სეზონში.
- რთული არ იყო შუნინის კარში გატანა? თქვენს წინ ბევრი ფეხბურთელი იდგა.
- ვიცოდი, რომ ფეხბურთელები გადაადგილდებოდნენ სხვების ასაყვანად და ამით ვისარგებლე. ზონა გაიხსნა, დავარტყი და გავიტანე.
- თქვენი გოლი პირველ ტურში საუკეთესო იყო?
- სრულიად. თუმცა, ალექსეი იონოვმაც „როსტოვის“ მაისურით „ორენბურგს“ შესანიშნავი გოლი გაუტანა.
- ბავშვობაში შეტევაში თამაშობდით საფეხბურთო სკოლაში. შემოგრჩათ თავდამსხმელის უნარები?
- ეს ძალიან დიდი ხნის წინ იყო. ახლა თავდასხმაში იშვიათად მივდივარ. მიუხედავად ამისა, თანამედროვე ფეხბურთში მცველების შეტევაში ჩართვა აუცლებელია და გოლებსაც იტანენ.
- არაა გამორიცხული ეს სეზონი ძალიან წარმატებული გამოდგეს. ამისთვის საჭიროა ევროპა ლიგის საკვალიფიკაციო ეტაპების გადალახვა.
- გუნდში მშვიდი გარემოა, ამაზე ჯერ არვფიქრობთ. ევროპა ლიგამდე „კრილია სოვეტოვთან“ გველოდება მნიშნველოვანი მატჩი სამარაში. 25 ივლისამდე დროა.
- მამათქვენი მორაგბე იყო და სამჯერ სსრკ-ს ჩემპიონიც გახდა. თქვენ რატომ აირჩიე თ ფეხბურთი?
- როსტოვში გადავედით საცხოვრებლად და რუსეთში ნაკლებ პოპულარულია, ვიდრე საქართველოში. ამიტომაც ფეხბურთზე შევედი და მამაჩემი მხარს მიჭერდა.
- რა იყო როსტოვში გადასვლის მიზეზი?
- პირველ რიგში მამაჩემი გადავიდა საცხოვრებლად, მერე კი მეც წამიყვანა. ისე მოხდა, რომ რუსეთში დავრჩით.
- 19 წლის ასაკში „აიაქსში“ იყავით. რომელ ვარსკვლავებთან გიწევდათ ვარჯიში?
- სიმართლე გითხრათ არ მახსოვს. იქ მხოლოდ ორი კვირა დავყავი, მაგრამ „აიაქსი“ ძალიან კარგი გუნდი იყო.
- რატომ არ გააფორმეთ კონტრაქტი?
- „აიაქსის“ მეორე გუნდში თამაში შემომთავაზეს, მაგრამ ამ დროს რუსეთის პრემიერლიგიდან ძალიან კარგი წინადადება მივიღე და „მოსკვაში“ გადავედი.
- მთავარი მწვრთნელი მიოდრაგ ბოჟოვიჩი იყო?
- დიახ.
- რა არის მისი მთავარი სამწვრთნელო საიდუმლო?
- ის ძალიან კარგი მწვრთნელია, ყოველთვის პოზიტიური. მისი მეთოდებული რუსული მეთოდებისგან ძალიან განსხვავებულია.
- ახლა „არსენალში“ იგორ ჩერევჩენკოსთან. მაგრამ ტულაში 2017 წლეს გადავხედით, მაშინ ბოჟოვიჩი იყო მწვრთნელი. ის დაგიკავშირდათ?
- არა, როდესაც ის მოვიდა, მე უკვე „არსენალის“ ფეხბურთელი ვიყავი.
- გამოდის თქვენ დაურეკეთ...
- ზუსტად (იღიმის).
- პრემიერლიგაში ლეგიონერად ითვლებით, მაგრამ რუსეთის ახალგაზრდულ ნაკრებში თამაშის გამოცდილება გაქვთ...
- მართალი გითხრათ, აღარც მახსოვს. ფარერებთან ვითამაშე ერთხელ და 0:1 წავაგეთ. არადა, ძალიან გუნდი გვყავდა, ალან ძაგოევი, ალექსანდრ კოკორინი, არტიომ ძიუბა, ბევრი ძლიერი მოთამაშე თამაშობდა.
- 2011 წელს თქვენ გადაწყვიტეთ საქართველოს ნაკრებში თამაში. დიდხანს ფიქრობდით?
- მაშინვე დავთანხმდი. მივიღე შემოთავაზება ჩემი სამშობლოსთვის სახლში მეთამაშა, ჩემებთან.
- რუსეთის ნაკრები უფრო ძლიერი გუნდი იყო. არ გჯეროდათ, რომ დროთა განმავლობაში რუსეთის ნაკრების შემადგენლობაში დამკვიდრდებოდით?
- იცით, ვფიქრობ, რომ საქართველოს ნაკრები მაშინ უფრო ძლიერი ვიდრე რუსეთის. ვგულისხმობ ცალკეულ ფეხბურთელებს, ინდივიდუალურ შესაძლებლობებს და კლუბებს, სადაც თამაშობდნენ.
- მიუხედავად ამისა, საქართველო დიდ საფეხბურთო ტურნირზე არ მოხვედრილა. უახლოეს ხანებში აქვს ამის შანსი?
- ნამდვილად. ევრო 2020-ზე უნდა ვითამაშოთ და ვფიქრობ, კარგი შანსი გვაქვს. მარტში გველოდება ოთხთა ფინალი და ნამდვილად შეგვიძლია ამის გაკეთება, რადგან წინა შემოდგომაზე ერთა ლიგის ჯგუფი მოვიგეთ.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
საქართველო რუსეთზე ძლიერი ვერასდროს იქნება, და მკრეხელობას მორჩი შენ გრიგალავა. მითუმეტეს ის რუსი გაჭმევს პურს, ასე რომ მიატოვე მათი პროვოცირება.
ისე ეს რა ნაკრებზეც საუბრობს რო უფრო ძლიერი იყოო რუსეთზე არაა სიმართლე ჩემი აზრით. ისიც კი შეგვიძლია ვთქვად რო მაშინ მაგ პერიოდში რო ნაკრები იყო ალბათ ყველაზე სუსტი იყო რაც გვყოლია. კუპერის ნაკრები კიდე)) სასოცარი გუნდი იყოო)) მერებაშვილი იყო სუპერ სთარი მაშინ ასე გვეგონა ყოველშემთხვევაში)))
ახალგაზრდა რო იყო მაშინ შესთავაზეს აიაქსის ახალგაზრდული და ტიპი რუსეთში წავიდა სათამაშოდ
)))) მისგან არ მგონია როდესმე კარგი ფეხბურთელი დამდგარიყო სულ რო ლამასიაში აღზრდილიყო მარა იავიცი. ბევრად უკეთესი მოთამაშე რო გახდებოდა რათუნდა ბევრი ლაპარაკი
მაგარი სახალისო ინტერვიუა ))
აიაქსში შეეძლო თამაში (მეორე გუნდში) , მაგრამ მოსკვადან მივიღე ჭკუიდან შემშლელი წინადადებაო : ))))
კარგი რა ბიჭო რა კარგი რაა
წარმატებები
საქართველო უპირველეს ყოვლისა...