გორის „დილამ“ თურქულ შეკრებაზე პირველი ამხანაგური მატჩი ჩაატარა და გამარჯვებაც მოიპოვა. გორელების მეტოქე ყაზახური „აკჟაიკი“ გახლდათ და მისი ძლევა არ გასჭირვებია - 2:0.

„დილამ“ თითო ტაიმში თითო გოლი გაიტანა. 25-ე წუთზე ანგარიში ალვინ ფორტესმა გახსნა, ხოლო საბოლოო ანგარიში ანდრეი ტიტოვის გოლით დაფიქსირდა, რომელმაც თავი მატჩის მიწურულს გამოიჩინა.

საქართველოს 2015 წლის ჩემპიონი მომდევნო სპარინგს 14 თებერვალს, უკრაინული „დნიპროს“ წინააღმდეგ ჩაატარებს.