ATP-ის რეიტინგის ლიდერმა ნოვაკ ჯოკოვიჩმა ნიკოლოზ ბასილაშვილთან ბრძოლაში გამარჯვების შემდეგ ყოფილი მეტოქის შესახებ ისაუბრა. სერბმა ჩოგბურთელმა განაცხადა, რომ ბასილაშვილის კარგი თამაში მისთვის სიურპრიზი არ ყოფილა.
გარდა ამისა, მრავლისმნახველმა ნოვაკმა აღნიშნა, რომ ბასილაშვილს ჩოგბურთში ერთ-ერთი გამორჩეული დარტყმა აქვს:
„ვფიქრობ, ბასილაშვილი დასაწყისიდანვე შესანიშნავად თამაშობდა და ამას ველოდი კიდეც. ვიცოდი, რომ ბოლო 10 თვის განმავლობაში ცხოვრებაში საუკეთესო თამაშს აჩვენებდა. ნამდვილად ერთ-ერთი საუკეთესო დარტყმა აქვს ჩოგბურთში. მომავალში მხოლოდ წარმატებებს ვუსურვებ“, - განაცხადა ჯოკოვიჩმა.
შეგახსენებთ, დოჰაში მიმდინარე საერთაშორისო ტურნირის მეოთხედფინალში ბასილაშვილმა ჯოკოვიჩთან 2-საათიან მძიმე ბრძოლაში წააგო - 6:4, 3:6, 4:6. ნიკოლოზმა რეიტინგის ლიდერ ჩოგბურთელს ტოლი არაფერში დაუდო და თამამად შეიძლება ითქვას, რომ არა დაუდევარი შეცდომები, გამარჯვებაც რეალური იყო.
