საქართველოს კალათბურთელთა ეროვნული ნაკრების მთავარმა მწვრთნელმა ილიას ზუროსმა აკროპოლისის თასზე საბერძნეთთან მოპოვებული გამარჯვების (72:71) შემდეგ გუნდის ბრძოლისუნარიანობაზე გაამახვილა ყურადღება.
“ბიჭებმა ყველაფერი გააკეთეს ამ გამარჯვებისთვის. სამწუხაროდ, კალათბურთელების როტაციის ფუფუნება არ გვაქვს. ყველაფერს ვაკეთებთ, რათა ევრობასკეტს მზადყოფნაში შევხვდეთ. ამ გამარჯვებით არ უნდა გვეგონოს, რომ დიდი გუნდი ვართ. საქართველოს ნაკრები არის გუნდი, რომელიც ბოლომდე იბრძვის. ფაჩულიას ტრავმა სერიოზული არაა, მაგრამ აღდგენით პროცესს დრო სჭირდება. ტრავმის რეციდივის გამო ვერ გავრისკავთ და ის აკროპოლისის თასზე არ ითამაშებს. იმედია, ზაზა ევრობასკეტს მზადყონფაში შეხვდება” - ციტირებს gazzetta.gr ზუროსის სიტყვებს.
საქართველოს ეროვნული ნაკრები აკროპოლისის თასზე მეორე შეხვედრას დღეს სერბეთის ნაკრების წინააღმდეგ გამართავს. მატჩი 19:45 საათზე დაიწყება.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
ბოლო 5 წუთში 9 ქულა ამოუქაჩო საბერძნეთს- მართლა სასწაულია, გინდა ამხანაგური დაარქვით და გინდა ძმაკაცურ-მეგობრული.
კარგია რომ ამხანაგურებში ბოლომდე ვიბრძვით მარა ისე არ გამოვიდეს ევრობასკეთს გადაღლილი გუნდი შეხვდეს
ნამდვილი პროფესიონალი.
იმედია გაამართლებს ზუროსის ტაქტიკა,კომბინაცები და ა.შ ევრობასკეტზე და მაქსიმალურად შორს გავალთ(შესაძლებლობიდან გამომდინარე რა თქმა უნდა)ბიჭები რომ ბოლომდე იბრძოლებენ დარწმუნებული ვარ
გენაცვალე ილო ძიავ, ეგაა მთავარი სწორედ. ამ ევრობასკეტზე ყველა თამაშში რომ მობილიზებულ, ბოლომდე მებრძოლ საქართველოს ნაკრებს ვნახავთ, ეგ ეამება სულს და გულს !!!
ჟინი და ჯიგარი გვინდა ვიგრძნოთ, თორემ ჩემპიონატის მოგება ჩვენს გარდა კიდევ 7-8 ქვეყანას ამოუჭრია გულში და მათგან მხოლოდ ერთს უნდა გაუმართლოს.