სარეკლამო ადგილი - 3
227 x 91
ფეხბურთი

10:55 | 10.08.2017 | ნანახია 10089 - ჯერ

კვირკველია სერბი ან ხორვატი რომ ყოფილიყო...
რატომ ვერ მიდიან ქართველები ტოპ ლიგებში?

ხშირად მოვისმენთ ან წავკითხავთ ასეთ ფრაზას: რატომ თამაშობს სოლომონ კვირკველია რუსეთის პრემიერლიგაში, როდესაც ევროპული ფეხბურთის დონეზეა?!” – ძნელია ამ აზრს გავემიჯნოთ.

ქართველი მცველი უკვე წლებია თავის პოზიციაზე სტაბილურად ირჯება და ეს ჯერ კიდევ “რუბინში” თამაშის დროს არაერთხელ დაამტკიცა. თუ არ ჩავთვლით ყაზანში გატარებულ ბოლო პერიოდს, როდესაც ჩვენებურს ხელოვნური მიზეზით თამაშის საშუალებას არ აძლევდნენ. კვირკველიას მართლაც დაუმსახურებლად რომ მოექცნენ, აგერ გასული სეზონის მეორე ნახევარმაც გამოაჩინა და მიმდინარე სეზონმა ხომ საერთოდ – 5 შეხვედრა, 2 გოლი (ორივე გადამწყვეტი) და მათ შორის, ყაზანის “რუბინის” კარში, ბოლო წუთზე, მათ თვალწინ – ქართველმა გოლი მეტად ემოციურად აღნიშნა და ალბათ რთული არაა იმის მიხვედრა, თუ რა ხდებოდა იმ წამებში ჩვენებურის გულში – ეს არ ყოფილა სიცილიური ვენდეტა, მაგრამ ქართული კი ნამდვილად გახლდათ.

თუმცა, ეს იქეთ იყოს და, ახლა სხვა რამეზე მინდა თქვენი ყურადღება მივიქციო: რუსეთის პრემიერლიგა როგორც არ უნდა მოგვწონდეს, ჩვენი არაფერი დაეწუნება და აგერ საფრანგეთის ლიგა 1-საც კი უწევს კონკურენციას უეფას რეიტინგში – ფაქტს ვერ გავექცევით. რუსეთის ჩემპიონატიდან ტოპ ლიგაში არაერთი ფეხბურთელი წასულა და ევროპულ ფეხბურთთან ფეხის აწყობა არ გასჭირვებია. ჰოდა, რატომ არ შეიძლება იგივე სურვილი სოლომონის შემთხვევაშიც გვქონდეს?! – რა მოხდებოდა კვირკველია რომ სერბი, ხორვატი ანაც რომელიმე სხვა ქვეყნის წარმომადგენელი ყოფილიყო? – ეჭვიც არ შეგეპაროთ ახლა უკვე იქნებოდა, ინგლისის, იტალიის, ესპანეთის ან გერმანიის რომელიმე კლუბის რიგებში. მაგრამ, არა, ის ქართველია.

წარსულის დავიწყება კარგის მომტანი არაა, მაგრამ სწორედ რომ წარსულს ჩაბარდა ის დრო, როდესაც ქართველი ფეხბურთელები ტოპ ლიგებში თამაშობნენ. აღარც ბუნდესლიგაში გვყავს კობიაშვილ-იაშვილები, აღარ პრემიერლიგაში ქინქლაძე-ხიზანიშვილები და აღარც სერია A-ში კალაძეები. ეს დრო წარსულმა შთანთქა და თითქოს წყალიც გაიყინა - უკვე წლებია ასეთ ფუფუნებას მოკლებულნი ვართ და სიმართლე რომ ვთქვათ, ჩვენებურების მეორეხარისხოვან ლიგებში გადასვლაც კი გვახარებს – და კიდევ; გინდა არ გინდა, ევროპაში ეროვნებასაც ყურადღებას აქცევენ და აი, რატომ:

როდესაც ესპანეთის რომელიმე გუნდის სკაუტი ხელმძღვანელობას თავისი აღმოჩენის შესახებ უამბობს და ეტყვის, რომ ის მაგალითად ხორვატია, სერბი, პოლონელი, იქ ყველა კითხვა ქრება – მისთვის გზა ხსნილია. ამ ქვეყნის წარმომადგენლებს ხომ წამყვან საფეხბურთო ქვეყნებში მრავლად ვხედავთ და შესაბამისად, ასეთ დროს კლუბი ნაკლებ რისკზე მიდის, რომ ტრანსფერი არ გაამართლებს. აი, როდესაც საქმე ქართველზე მიდგება, ჩვენდა საუბედუროდ ყველაფერი პირიქითაა.

მიზეზიც მარტივია – ქართველები ტოპ ლიგაში კარგა ხანია არ თამაშობენ და შესაბამისად, მაგალითად, “საუთჰემპტონს” ან “ჯენოას” ურჩევნია ფსონი ჩეხ, ხორვატ ან სლოვაკ ფეხბურთელზე გააკეთოს. ასეა, გინდა, არ გინდა და ამაზე საქართველოს ნაკრების მძიმე სიტუაციაც ახდენს გავლენას – ფიფას რეიტინგში წლების განმავლობაში ასეულს მიღმა ყოფნა და ყოველ შესარჩევ ციკლში უფერული თამაში.

არადა, რუსეთის პრემიერლიგიდან პირდაპირ ინგლისში წასულან ფეხბურთელები და მერე როგორც უთამაშიათ, ყველამ კარგად ვიცით – თუნდაც ნემანია ვიდიჩი, რომელმაც მოსკოვის “სპარტაკიდან” “მანჩესტერ იუნაიტედს” მიაშურა და წარუშლელი კვალი დატოვა ამ სახელოვანი კლუბის მატიანეში. ნაკლები არც ბრანისლავ ივანოვჩს გაუკეთებია, როდესაც “ლოკომოტივიდან” “ჩელსიში” აღმოჩნდა. ვერავინ დამარწმუნებს, რომ კვირკველია ზემოხსენებული ფეხბურთელების იმდროინდელ დონეს, როდესაც რუსეთს ტოვებდნენ, რამით ჩამოუვარდება, მაგრამ ივანოვიჩი და ვიდიჩი ხომ სერბები იყვნენ?!

მოკლედ, რამდენადაც სამწუხარო და სავალალო არ უნდა იყოს, ქართველი ფეხბურთელებისთვის უამრავი ფაქტორის გამო ტოპ ლიგაში მოხვედრა არც ისე ადვილია, როგორც ერთი შეხედვით ჩანს – აბა, ვერავინ დამაჯერებს, რომ თვითონ სოლომონ კვირკველიაზე მეტად ვინმეს სურდეს ბუნდესლიგაში, პრემიერლიგაში, ლა ლიგაში ან სერია A-ში თამაში, მაგრამ...

ზემოთ უამრავი ფაქტორი ვახსენე და ერთ-ერთი მთავარი საფეხბურთო აგენტიცაა – არც ამ საქმეში გვაქვს დალხენილი ცხოვრება. მწარე რეალობაა, მაგრამ დღეს ქართველ ფეხბურთელთა უმეტესობას არ ჰყავს ისეთი აგენტი, რომელთა არხები პირდაპირ შუაგულ ევროპაში გადიოდეს – მათი მთავარი წყაროები მაინც რუსეთში, უკრაინაში და ახლა უკვე პოლონეთსა და დანიაში მოედინებიან. არადა, 21-ე საუკუნეში ტრანსფერებში აგენტის როლმა რა დატვირთვა მიიღო, აგერ ჩანს ბოლო დროს განხორციელებული არაერთი გარიგებიდან.

მოკლედ, ასეა, არავის, არც მე, არც რომელიმე გულშემატკივარს არ სურს კვირკველიაზე მეტად ევროპულ ლიგაში მისი ხილვა, მაგრამ მხოლოდ სურვილი არ კმარა – გარემოც ხელს უნდა გიწყობდეს.

არადა, თვით კახა კალაძე ურჩევდა იტალიური მედიის ფურცლებიდან “მილანს” ქართველი ფეხბურთელის შეძენას არცთუ შორეულ წარსულში – ის ქართველი კი სოლომონ კვირკველია იყო!

სარეკლამო ადგილი - 25
710 x 104
Loading...

კომენტარები (23)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
14:02 | 11.08.2017
tomasz (896)

არაფერი აქტუალური არაა პოპულიზმია ჩვეულებრივი ეს სტატია აი ქუჩაში ჩაჯდებიან და მაშინ ასე იყო ისე იყოო რო ყვებიან აი ეგაა ზუსტად
"თამადა ბაზრები" არის ის რის გამოც ქართულ ფეხბურთს არასდროს არ ეშველება :დ

16:33 | 11.08.2017
stoned (902)

კომენტარი დაბლოკილია ცენზურის ავტომატური ბლოკირების მიერ, ის შეიძლება დაიშვას მოდერატორის მიერ

16:36 | 11.08.2017
stoned (902)

ახსნას ვცდილობდი ... მაგრამ დაიკიდე ! მართალი ხარ ძირს თამადური ბაზრები ! წინ ანანიზმი და სიტვების ბრახაბრუხი !

12:45 | 11.08.2017
stoned (902)

სტატია ნამდვილად აქტუალურია და მე ვფიქრობ რომ აქ საქმე არც აგენტებშია არც პოლიტიკაში და მითუმეტეს არც ნიჭში, ყველაფერი ზემოთჩამოთვლილი ახლოსაც ვერ მივა იმ პრობლემასთან რასაც ქვია მენტალიტეტი და ფსიქოლოგია.ბევრი ჩვენი ფეხბურთელი დაღუპა მენტალიტეტმა და ამის გამო ერიდებიან ქართველი ფეხბურთელების დამატებას უცხოური ქვეყნის გუნდებში. მთავარი სავიზიტო ბარათი ქართველებისთვის უნდა გახდეს დავმდაბობა და შრომისმოყვარეობა თუ გვინდა წარმატება

12:37 | 11.08.2017
stoned (902)

კომენტარებს წაიკითხავ და გაოცდები, ამდენი ექსპერტი და პროფესორი რანაირად ნახულობთ დროს რომ აქ შემოდიხართ და კომენტარებს წერთ... სხვისი ბედიღბლის წარმართვა მაგრად იცით თან რუსეთის ლიგის დონეზე ლაპარაკობთ.გადახედეთ ელემენტარულად გუნდების ფანობას,სტადიონებზე დასწრებას ,ტრანსლაციებს. ჯგუფურ ეტაპზე ყოველთვის ხვდებიან ლიგა იქნება თუ უეფა მაგ დონედე ვერ მივსუნავთ კიდე 10 წელი და აქ ვკითხულობ კომენტარებს რომ რუსეთის ლიგა არის უკანგადადგმული ნაბიჯი და მიდის ფეხბურთელების კრიტიკა.თქვენ თავს რო დაუსვათ კითხვა , შენ რა გაგიკეთებია?

14:06 | 11.08.2017
tomasz (896)

ან რა შუაშია ჩვენ რუსეთის დონეზე როდის მივსუნავთ? :დ
ვინმე ჩვენს ჩUკენლიგას ადარებს მაგათსაც? (ისე მაგათაც კაი ჩინჩლავლიგა აქვთ :დდდ)
ხალხს ფეხბურთელისგან უნდა მეტი ამბიციის დანახვა რო განვითარება უნდა ფეხბურთელს და მაგის გამო არ ეთანხმება ამ უაზრო სტატიას და იძახი რამდენი პროფესორი ხართო
რას წერ ვერ გავიგე მე წესიერად შეიძლება ჩემი ბრალია რავი ;დ

16:27 | 11.08.2017
stoned (902)

მერე შენ ვინმემ გითხრა ადარებო? თუ რაც თავში მოგდის იმას წერ?

12:40 | 11.08.2017
tomasz (896)

რა შუაშია შენ რაგაგიკეთებია?
ხალხს უნდა რომ ევროპის პრესტიჟულ ჩემპიონატებში იხილოს მისი ეროვნული ნაკრების მოთამაშე ამაში რა არის ცუდი? პირიქით ცუდი ისაა ამ იგროკებს რო *ლეზე კიდიათ პროფესიული ზრდა პროგრესი და ნაკრებისთვის გამოდგომა

12:51 | 11.08.2017
stoned (902)

ევროპის პრესტიჟული ჩემპიონატი არა ლეღვი... ვის რათ უნდა ქართველი ? მაგ დონის იგროკები აყრიათ

13:01 | 11.08.2017
tomasz (896)

ხოდა მაგაზე აქვს აქ ხალხს პრობლემა ლეღვები რო არიან და სტატიის ავტორი ევროპა ძალით იწუნებსო ჩვენებსო
კომენტარებზე რო წერ სტატიაზე არაფერი არ გაგიჩნდა გასაპროტესტებელი?

13:09 | 11.08.2017
stoned (902)

ჩემო ძმაო ნებისმიერი გუნდში ნებისმიერი ტრენერი უნდა იყოს ავტორიტეტი. ხო? მაჩვენე შენ ქართველი ფეხბურთელი რომელიც ავტორიტეტს აღიარებს

12:48 | 11.08.2017
stoned (902)

გინდა ? მისულხარ სტადიონზე? ფული გადაგიხდია ბილეთში (ერუვნულ ჩემპიონატზე მაქვს საუბარი)?

13:00 | 11.08.2017
tomasz (896)

კი მერე? :დ ან რო არ იყოს მისული რა რო? ან რა მოთხოვნაა მისულხარ? ვინც არ მისულა მისი არაა ეს ქვეყანა?

13:07 | 11.08.2017
stoned (902)

ბავშვური ლოგიკაა ! მოდი დაწვრილებით აგიხსნი ყველაფერს როგორ მუშაობს ეს ყველაფერი :შენ რომ მიხვიდე სტადიონზე და უბალეშიკო შენს გუნდს და ასე მოიქცეს მრავალი გუნდთან მივა სპონსორი და გააკეთებს რეკლამას, დაუფინანსდება ჩასაცმელი,ინვენტარი გაეზრდება ხელფასი და უფასოდ წავა შეკრებაზე, შეიძლება რომელიმე ტურნირშიც მიიღოს მონაწილეობა (ფასიანში).ეგრე რომ მოხდეს რამოდენიმე გუნდზე უკვე ტრანსლიაციები საინტერესო გახდება ,ლეგიონერები სათამაშოდ ჩამოვლენ და არა თავშესაფარისთვის. გამიგე?

14:01 | 11.08.2017
BEERTRANCE (94528)

კიდე ჩემი ბრალია? სტადიონზე მისვლას და ფულის გადახდას რო ითხოვ, ჰო უნდა შეთავაზო შესაბამისი პროდუქტი. მთხლებურთი სანამ არის რატო უნდა მივიდე საყურებლად?

13:38 | 11.08.2017
tomasz (896)

ოკ :Lდ კიდე კაი ამიხსენი
ახლა რო თავის სარცენზე მეტი ფული მიიღეს სახელმწიფოსგან რა რო მაგით? ძალით კი არ უნდა მიდიოდეს ადამიანი სტადიონზე მათ უნდა დააინტერესონ
გააკეთეს მაგისთვის რამე? არც არაფერი ევროპაზე გავიდნენ და მაქაც პირველი თამაშებზე ისე ჩაI8ვეს რო ვინ მივა მაგათთან სტადიონზე
ან საერთოდ რა ქართული ფეხბურთი და ქართველი ფეხბურთელები რეებზე ვწერ მეც კაი მოცლილი ვარ

11:56 | 11.08.2017
tomasz (896)

რატო უნდა დაიმატონ ქართველი ფეხბურთელები რატო რომელი აკმაყოფილებს რამე მოთხოვნას? :დ
ან რომც ქონდეთ პერსპექტივა მაგალითად აგერ ჯანოს შეთავაზეს დაიცა 3 თვე და მერე უფასოდ მოდი ჩვენთანო ვალენსიადან თუ რომელიღაცა ლალიგის გუნდიდან (მოწინავეებიდან) ამან ახლა სპარტაკიდან გიჟი თუ წავაო ;დდდდდდდდდდდდდდდდდდდდდდდდდდდდდდდდდდდდდ

11:51 | 11.08.2017
tomasz (896)

ამ ქართველების ქართველობით ჩაგრვაზე არსებულ სტერეოტიპებს ქართველურ *ვერობებს ვეძახი :დ
აგენტი თუ *ლე ყავს თვითონ თუ რუსი მუ*ლები ურჩევნია და კაი გულაობა უნდა რა შუაში აქ ევროპელების მიერ ბედკრული ქართველი ფეხბურთელების ულმობელი ჩაგვრა და დისკრიმინაცია? :დდდდდდდდდდ
იყო აგერ ოქრიაშვილი რა ქნა აბა თქვით ხომ ხარ "ყოლიფერში გარკოულები სიმონ" ;დდდდ მაგარი თამაშის მერე მივიდა გუნდელებთან ერთად დაბოლდა და*ლევდა მერე ამათ ზანგებს მაიმუნები ეძახა და დედის *რაკი დააფარა მერე კიდე ქუჩაშI გავიდა და დაიჭირეს :დდდ
ეს ვისი ბრალია ნუ ვისი ბრალი ხო ფედერაციის? ;დდდ თუ მტარვალი ევროპელების? ;დდდდდ

11:13 | 11.08.2017
dinamo222 (3651)

კვირკველიას რაც შეეხება ეხლა კარგ გუნდში თამაშობს ძალიან კარგ მწვრთნელთან რომელიც დიდ ნდობასაც უცხადებს და გუნდის ლიდერადაც თვლის! ლოკომოტივი წელს ევროპის ლიგის ჯგუფურ ეტაპზეც ითამაშებს და მომავალ წელს ალბათ ჩემპიონთა ლიგის ჯგუფშიც გავა კვირკველიას სათამაშო პრაკტიკის მხრივ პრობლემებიც არ ექნება და ეს მისთვისაც და ჩვენი ნაკრებისთვისაც ძალიან კარგია და მეტი რაღა უნდა უდოდეს ან იმას ან ჩვენ ?

10:56 | 11.08.2017
dinamo222 (3651)

რა სისულელეაა რა სერბი და რა ხორვატი ან პოლონელი ? ევროპის ქვეყნებს ის აქვთ კარგი რომ ეროვნულ რელიგიურ და კანის ფერის მიხედვით არ არჩევენ ფეხბურთელებს (იტალიის გამოკლებით)ხშირად ზედმეტად ტოლერანტებიც არიან ევროპელები და ამის შედეგებს ეხლა იმკიან არაბებმა ლამის რომ გადაუარეს მთელ ევროპას და ხალხს უკვე ქუჩაში გასვლის ეშინია მაგათ გამო!თუ კაცი კარგად თამაშობს და კარგი აგენტიც ყავს ნებისმიერ გუნდში მოხვდება და ამისთვის საჭირო არაა სერბულ-ხორვატულ-პოლონური პასპორტი ხანდახან დაუფიქრდით რაღაცა სისულელეს რომ დააბრეხვებთ ხოლმე @ იგივე კობიაშვილი იაშვილი რომ თამაშობდნენ გერმანიაში ძალიან მაგარი პრესა ქონდათ და ხშირად ხაზს უსვამდნენ იმათ თავმდაბლობას და შრომისმოყვარეობას და ამის გამოც მიყავდათ ქართველი ფეხბურთელები ბუნდესლიგაშიც და სხვა უფრო დაბალ ლიგებში (ალბათ დანარჩენებიც ეგეთები ეგონათ და იმიტომ) აქ მთავარი მიზეზი ეროვნება კი არა ჩვენი ბევრი ფეხბურთელის სიზარმაცე და ფულის სიყვარულია მაგათ ურჩევნიათ რუსეთში უკრაინაში ყაზახეთში და სხვადაბალი დონის ქვეყნებში "ითამაშონ" იგივე ან უფრო მაღალი ხელფასით ვიდრე ტოპ ლიგებში გადასვლის და იქ ადგილის მოპოვებისთვის იბრძოლონ და ოფლი ღვარონ !

00:41 | 11.08.2017
levani82 (40247)

დილამ თამაში კიდევ წააგო

22:49 | 10.08.2017
levani82 (40247)

დილამ თამაში კიდევ წააგო

22:47 | 10.08.2017
levani82 (40247)

uzlevi

სახელმწიფო ვერაფერს ვერ იზამს, რადგან პრემიერლიგაში მოხვედრას თავისი რეგულაციები აქვს

21:54 | 10.08.2017
giorgi909 (962)

რა სიტყვებს არ გაიგებ აქ, ქართველი საპატიო ფეხბურთელებიო ,ქართველი აგენტიო,თვით კახა კალაძეო, ხორვატი რო ყოფილიყოოო, სად სწავლობთ ნეტა

22:24 | 10.08.2017
uzlevi (443)

არ არის საბა შენთვის საპატიო ფეხბურთელი? ჩემთვის არის! დიდ პატივს ვცემ როგორც ფეხბურთელს და ადამიანს. ასეთი სტაბილური და დაუღალავად მშრომელი მცველი ქართველებს ბევრი არა გვყავს. კახა კალაძე ერთადერთი ქართველი ფეხბურთელია, რომელმაც ჩემპიონთა თასი აწია. ჩემთვის კალაძე საპატიო ფეხბურთელია. ნუკრი რევიშვილი, საპატიო ფეხბურთელია, რომელმაც ესპანეთთან უკომპრომისო ბრძოლაში საშიში ტრამვა მიიღო და დიდი ხანი გაუცდა, დავით კვირკველია კლასი და საპატიო ფეხბურთელია და ა.შ. და ასე მრავლად!

22:29 | 10.08.2017
giorgi909 (962)

ეგრე კი საპატიოა ოღოდ სახელმწიფოსგან დახმარება ზედმეტი მოუვა.ისე არიან საპატიო ზეინკლები მარშუტკის მძღოლები მეწაღეები ყველის ვაჭრები და რაღა საბას დავეხმაროთ

11:02 | 11.08.2017
dinamo222 (3651)

ძმა რომ მოსტაცეს და მოუკლეს "ქართველებმა" და ამის მიუხედავად მაინც რომ ჩამოდიოდა და თვალცრემლიანი თამაშობდა მაშინაც არ იყო ხო საპატიო ??(ისეთ გუნდში თამაშზე და ორი ჩემპიონთა ლიგის მოგებაზე და სხვა მიღწევებზე რომ არაფერი ვთქვათ)

20:59 | 10.08.2017
aulol besoi (352)

ეგი არ ვიცი, მარა ვინმეს ბებიას ყვაჯები რო ქონოდა ვინმეს ბაბუა იქნებოდა სავარაუდოდ..დდდ

18:56 | 10.08.2017
კორბენ კირილეს ძე კვინტრაია (8395)

ქართველი აგენტები DDDDDDDD
ეგენი ალბათ ის ხალხია, 90-იანებში რო მაკლერობდნენ. გლდანში, ავეჯის სახლთან DDDDDDDD

18:33 | 10.08.2017
arsena8 (208)

"თვით კახა კალაძე ურჩევდა"-ოოო, ჰოდა კალაძე რომ ურჩევდა იმიტომაც არ იყიდა არავინ, თორემ აბა მალდინიმ ან კოსტაკურტამ ვინც ურჩია ისინი მშვენიერ გუნდებში არიან, იგივე დარმიანი ან ბონუჩი. ნახა ამ კვერცხმა ავტორიტეტი, ჰა-ჰა "კალაძე ურჩევდაო", ჰა-ჰა !

16:45 | 10.08.2017
ika_juve (1737)

აგენტზე კი რა უნდა ითქვას, არ ვიცი ქართველების აგენტები ვინ არიან საერთოდ, სავარაუდოდ ნათესავები ან დიდი ხნის ნაცნობები, რომელტაც არ აქვთ საკმარისი კვალიფიკაცია და კონტაქტები წესიერი ტრანსფერის გასაჩარხად, თორე ვერ დავიჯერებ რო იტალიის ან გერმანიის საშუალო გუნდში რუსეთზე ბევრად ნაკლებს უხდიან

16:44 | 10.08.2017
ika_juve (1737)

რაღაც გავლენა ქართველოაბს აქვს ნარდად, მაგრამ რა უფრო უარეს დღეშია არ ვიყავით როცა მიდიოდნენ ეს კობიაშვილ-იაშვილები, დღევანდელთან შედარებით, ბევრად ნაკლებმა კაცმა იცოდა საერთოდ საქართველო სად იყო და თუ არსებობდა ესეთი ქვეყანა.... დღეს მითუმეტეს, ყველგან აკვირდებიან და რა თქმა უნდა რო ტანაბარი შესაძლებლობების შემთხვევაში სერბს და ხორვატს მიანიჭებენ უპირატესობას, მაგრამ თუ ნიჭიერი ხარ და მონდომებული უყურადღებოდ არ დატოვებენ

16:16 | 10.08.2017
BEERTRANCE (94528)

არაფერი სტიგმები არ არის, თუ შეატყობენ რო ვარგიხარ წაგიყვანენ, რა კალაძეს სუპერ განსაკუთრებული ნიჭი ჰქონდა რამე და ვარსკვლავებს წყვიტავდა მილანმა რო აიყვანა?

16:58 | 10.08.2017
sabonis (7103)

მართალი ხარ არანაირი სუპერ ტალანტი კალაძე არ იყო უბრალოდ, ლობანოვსკის ხელში სწორი თამაში ისწავლა და რაც მთავარია შიში არ ქონდა. სოლომონზე კი მახსოვს წლების წინ ლივერპულის ინტერესზე კითხეს და ტიპი თითქოს დაფრთხა მიედ მოედო, რუბინთან კინტრაქტი მაქ და უხერხულიაო, იმედია დაძლევს ამ კომპლექს.

15:08 | 10.08.2017
levani82 (40247)

uzlevi
ჩვენ ყველას გვინდა ნაკრების ფეხბურთელების კარგი თამაში, მაგრამ სახელმწიფო უნდა თავის მხრივ დაეხმაროს ჩვენს საპატიო ფეხბურთელებს.

რითი უნდა დაეხმაროს? გრანდებს მიმართოს ესა და ეს აიყვანეთო? ინგლისში ჩვენების თამაში გამორიცხულია

22:13 | 10.08.2017
uzlevi (443)

ყურადღებით წაიკითხე ჩემი პოსტი. ბრიტანეთში სამუშაო ვიზის მოსაპოვებლად უამრავი დაბრკოლება არსებობს. საქართველოს მთავრობამ უნდა მოილაპარაკოს ბრიტანეთთან რომ ეს პროცედურები იყოს ადვილი და მოკლე ვადებში, რომ იქაურ კლუბების დაინტერესების შემთხვევაში მუშაობის უფლება ქართველ ფეხბურთელზე მალე გაიცეს.

15:01 | 10.08.2017
levani82 (40247)

კვირკველია სერბი ან ხორვატი რომ ყოფილიყო...
რატომ ვერ მიდიან ქართველები ტოპ ლიგებში?


აქ ეროვნებას რა მნიშვნელობა აქვს?

14:13 | 10.08.2017
O. Mertskhali (1095)

იმიტომ, რომ ევროპა 'არ აღიარებს' აზიურ ფეხბურთს, მაგათ მხოლოდ სამხრეთ ამერიკელი 'კლასნი' ან აფრიკელი 'ველური' ლეგიონერი უნდათ. ხორვატები და სხვ. კი, თავისინებად მიაჩნიათ... რა თქმა უნდა, არიან გამონაკლისები, მარა ძირითადში ასეა... იგივე ჯანოზეც, მარტო მაშინ დაინტერესდნენ, როცა თავისუფალი აგენტი ხდებოდა და ალბათ რაღაც მიზერული შესთავაზენ, მაშინ როცა, ვხედავთ მათთვის რეალურად მნიშვნელოვან ფეხბუთელებში რამდენს იხდიან...

15:15 | 10.08.2017
bavaria-munchen5 (1089)

ჰენრიხ მხითარიანი შახტარიდან არ წავიდა დორტმუნდში მერე მანჩესტერში? რა შუაშია აზია? ნიჭიერეი ყველა უნდათ, უნიჭო უინტელექტო და უკუნთო არა ათლეტური ლეში არავის ჭირდება, ხვდები ვინც ვიგულისხმე ალბათ

16:11 | 10.08.2017
O. Mertskhali (1095)

სულაც არ უნდათ ყველა ნიჭიერი... როგორც იცი, ნიჭიც გაზომვადი სიდიდეა და იმას ვამბობ, რომ აზიიდან რომ ფეხბურთელი წაიყვანონ რაღაც ძაან მაგარი უნდა იყოს (მაგათმა რომ გაზარდონ, მაგაზე ხომ ზედმეტია საუბარი)... უბრალოდ, ფიქრობენ, რომ აზიელს, როგორც წესი, არა აქვს ისეთი თვისებები, რომ ევროპელს აჯობოს... იგივე, რუსეთსაც და 'დაჟე' უკრაინას ძაან ცოტა ლეგიონერი ყავს... აზიაში დედამიწის მოსახლეობის ნახევარზე მეტი ცხოვრობს და 'შენ წარმოიდგინე', ფეხბურთსაც საკმაოდ ბევრი თამაშობს

12:20 | 10.08.2017
BEERTRANCE (94528)

არც ინდომებენ წესიერად, გამოწვევის ეშინიათ. ჩელებაძის ხელში მით უმეტეს ევროპა გამორიცხულია.

12:06 | 10.08.2017
uzlevi (443)

საბა არის შეუპოვრობის მაგალითი. უამრავი სირთულე გადალახა ცხოვრებაში და მაინც გაიტანა თავისი. ბევრი ფეხბურთელი ვერ გაუძლებდა სკამის დიდი ხნით ხეხვას, მაგრამ საბამ რუბინში დამამცირებელ გარემოებაში ყოფნას ღირსეულად გაუძლო. მახარებს მისი შესანიშნავი ფორმა და წარმატება. ევროპაში მისნაირი მაღალი დონის ფეხბურთელი ბევრი არ არის. საწყენია რომ ქართველ ფეხბურთელებს ევროპაში გადასვლაში მათზე არსებული სტერეოტიპული წარმოდგენები აბრკოლებენ. საქართველოს ევროინტეგრაციის ერთერთი მიმართულება სპორტის სფეროში დაახლოება უნდა იყოს. როგორც ვიზალიბერალიზაცია მოგვცა ევროპამ, ისე უნდა მიენიჭოს ქართველ სპორტსმენებს ევროპულ ლიგებში თამაშის, ანუ მუშაობის უფლება, ისე როგორც წევრ სახელმწიფო მოქალაქეებს. ორმხრივი ხელშეკრულება უნდა გაფორმდეს ბრიტანეთთან, რომელიც იქაურ სამუშაო ვიზას უპრობლემოდ მიანიჭებს საქართველოს მოქალაქე სპორტსმენს, რომლითაც დაინტერესდება ინგლისური კლუბი. სახელმწიფოს დახმარების გზები უნდა იქნეს მოძიებული. ჩვენ ყველას გვინდა ნაკრების ფეხბურთელების კარგი თამაში, მაგრამ სახელმწიფო უნდა თავის მხრივ დაეხმაროს ჩვენს საპატიო ფეხბურთელებს.

11:26 | 10.08.2017
Nikala (132)

ჩემი აზრით, ვერ მიდიან არა, უფრო არ მიდიან. იმ ხორვატს ან სერბს ურჩევნია ცოტა ნაკლებ ხელფასს დათანხმდეს და უკეთეს ლიგაში ითამაშოს, რომ სათამაშო დონე დახვეწოს და კარიერული გზა გაიკვალოს. ჩვენებს კი რუსეთში დარჩენა და მაღალ ანაზღაურებაზე ყოფნა ურჩევნიათ. თორემ თვითონ კვირკველიასაც უთქვამს ინტერვიუში იტალიური და გერმანული კლუბები მეპატიჟებოდნენო. ეხლა ვთქვათ, კიოლნის და ბოლონიას დონის გუნდში წასვლა არ უნდათ, რადგან ნაკლები ხელფასია. ამავდროულად, ბაიერნის, დორტმუნდისა და იუვენტუსის კალიბრის გუნდები არ იწვევენ. შესაბამისად, რჩებიან რუსეთში, ამასობაში წლები გადის და პერსპექტიული მოთამაშის სტატუსი თანდათან კვდება. კვირკველიამდე ბევრმა გააკეთა მსგავსი არჩევანი, არც პირველია და არც უკანასკნელი.

კალაძე გვერდზე გადავდოთ, ყველას მილანის დონის გუნდი არ ეპატიჟება, მაგრამ ხომ შეიძლება ეტაპობრივად მიხვიდე მაქამდე? კობიაშვილის მაგალითი რომ ავიღოთ. გადავიდა ალანიაში იჯარით 1997 წელს, სადაც დახვდა 5 ქართველი. კარგად ითამაშა ძალიან, საუკეთესო ახალგაზრდა ფეხბურთელად დაასახელეს სეზონის. საკითხს რომ ისე მიდგომოდა, როგორც რუსეთში მოთამაშე ქართველი ფეხბურთელების უმრავლესობა, მაშინ გადავიდოდა მოსკოვის რომელიმე გუნდში, საკმაოდ მაღალ ხელფასად (მაინცდამაინც არც მაშინ უჭირდათ წამყვან რუსულ გუნდებს). სანაცვლოდ, ადგა, ფულზე უარი თქვა და წავიდა მეორე ბუნდესლიგაში (ფრაიბურგი იმ დროს მეორე ბუნდესლიგაში ასპარეზობდა). გაიქაჩა და რა დონის ფეხბურთიც ითამაშა, კი ვიცით ყველამ. ანალოგიურად მოიქცნენ იაშვილი და ცქიტიშვილიც, რომლებსაც ნამდვილად არ გაუჭირდებოდათ რუსეთის ჩემპიონატში კლუბის მოძებნა და ჰქონდათ კიდეც შემოთავაზებები.

მოკლედ, ფული რომ გვერდზე გადავდოთ, ხანდახან მგონია, რომ ჩვენები საკუთარ თავსაც არ ენდობიან და ეშიანიათ ახალი გამოწვევების. ისევ შეჩვეული გარემო ურჩევნიათ. ჰოდა, როცა საკუთარ თავს არ ენდობი და ახალი გამოწვევის მიღება არ გინდა, მაშინ ვერც განვითარდები. მერე, დაასრულებენ კარიერას და იწყებენ საუბარს, ხან ეს და ეს გერმანული გუნდი მეპატიჟებოდა, ხან ესა და ეს ესპანურიო. ამას ნიშნის მოგებით არ ვამბობ, მე ვინ მეკითხება, ფეხბურთელის არჩევანია და მან უნდა მიიღოს გადაწყვეტილება. უბრალოდ, მე, როგორც რიგით გულშემატკივარს, გული მწყდება ზოგიერთ მათგანზე, რომ ასეთ შანსებს ანიავებენ, მერე გვიან მოდიან აზრზე და გული წყდებათ.

13:15 | 10.08.2017
giogobi (82)

100%იანი ხარ

სარეკლამო ადგილი - 22
250 x 250
0.156851