სარეკლამო ადგილი - 3
227 x 91
კალათბურთი

21:38 | 17.02.2017 | ნანახია 744 - ჯერ

მატჩის ბედი ბოლო მეოთხედში გადაწყდა

საქართველოს ვაჟ კალათბურთელთა 26-ე ეროვნული ჩემპიონატის მესამე წრის მესამე ტური რუსთავში ადგილობრივი ,,რუსთავისა“ და ქვეყნის მოქმედი ჩემპიონის ,,ქუთაისის“ შეხვედრით გაიხსნა. მიმდინარე ჩემპიონატში ,,ქუთაისსა“ და ,,რუსთავს“ შესაბამისად მეორე და მესამე ადგილები უკავიათ. აღნიშნულიდან გამომდინარე გულშემატკივრები დაძაბულ თამაშს ელოდნენ.

პროგნოზის შესაბამისად შეხვედრა დაძაბული გამოდგა. გულშემატკივრებმა ორი ერთმანეთისაგან განსხვავებული ტაიმი იხილეს. გამოჯანმრთელების შემდეგ სტუმართა რიგებში გუნდის ერთ-ერთი ლიდერი გიორგი ცინცაძე და სერბი ლეგიონერი დრაგან ტუბაკი გამოჩნდნენ. პირველმა ტაიმმა სტუმრების უპირატესობით ჩაიარა, რომელიც კოტე ტუღუშის შეგირდებმა 8 ქულის სხვაობით 34:26 მოიგეს.

მეორე ტაიმში მასპინძლები გააქტიურდნენ. მესამე მეოთხედის შემდეგ ქვემოქართლელებმა ანგარიშში სხვაობა ორ ქულამდე დაიყვანეს. მეოთხე მეოთხედმა ,,რუსთავის“ სრული უპირატესობით ჩაიარა, რომლებმაც ანგარიში ჯერ გაათანაბრეს, შემდეგ წინ გასვლაც მოახერხეს და დიდი ანგარიშით 75:63 შეძლეს ჩემპიონის დამარცხება.

ამ შეხვედრაში ყველაზე შედეგიანი რუსთაველთა ამერიკელი ლეგიონერი ქეისი კასპერბაუერი იყო, რომელმაც 16 ქულა დააგროვა. თითო ქულით ნაკლები უკანახაზელმა რეზო ჩაჩანიძემ და ცენტრალურმა თავდამსხმელმა სერგო ათუაშვილმა მიითვალეს. ათუაშვილმა დაგროვილ ქულებს 11 მოხსნა შემატა და ამ თამაშში ერთადერთი ორმაგი დუბლის ავტორი გახდა.

სტუმართა შორის 11 ქულით ყველაზე შედეგიანი ბექა ბექაური იყო, 10-10 ქულა ტუბაკმა და აკაკი ლომოურმა დააგროვეს. ცინცაძემ გუნდს 8 ქულა შემატა.

,,რუსთავი“-,,ქუთაისი“ 75:63 (15:19, 11:15, 25:19, 24:10)

სარეკლამო ადგილი - 25
710 x 104
Loading...

კომენტარები (10)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
18:22 | 19.02.2017
drus (488)

ქუთაისი არასდროს არ აგებს თავისით... ან ტოტალიზატორის ბრალია,ან მსაჯების,ან ლელა კაკულიასი....

12:14 | 18.02.2017
kikvidze22 (34)

მოთამაშიან მწვრთნელებიანად გაჩერდნენ მოერე ტაიმში და მაგიტოც იყო გაკვირვებული რუსთავის მწვრთნელი გაგვიმართლაო ინტერვიუში თქვა და ტუღუშმა სასწაული არაფერი მომხდარა რუსთავი კარგი გუნდია და მოგვიგოო.
აჰა ნახეთ:
მატჩისშემდგომი კომენატრები

კოტე ტუღუში (ქუთაისის მთავარი მწვრთნელი):

„პირველ რიგში მივულოცავ რუსთავს გამარჯვებას. აქ თამაში ყოველთვის განსაკუთრებულია, იმის გამო, რომ გულშემატკივარის აქტიურობა კარგ ატმოსფეროს ქმნის. მე ვთვლი, რომ განსაკუთრებული არაფერი მომხდარა. „რუსთავი“ კარგი გუნდია და დღეს მოახერხა გამარჯვება. ჩვენ რამდენიმე ტრავმიანი კალათბურთელით ვითამაშეთ. დღეს დავმარცხდით, მაგრამ ყველაფერი წინაა“.

რამაზ გოგობერიშვილი (რუსთავის მთავარი მწვრთნელი):

„ეს მატჩი ძალიან მნიშვნელოვანი იყო ჩვენთვის და მიხარია, რომ გამარჯვების მოპოვება შევძელით, რასაც ჩვენს გუნდს ვულოცავ. მართალია, ბოლო 5 წუთში ცოტა გაგვიჭირდა და ვერ მოვახერხეთ ბურთის ჩაგდება, მაგრამ საბოლოოდ ბიჭებმა მოახერხეს კონცენტრირება და გადამწყვეტ მომენტში გამარჯვება მოვიპოვეთ. ისიც უნდა აღვნიშნო, რომ დღევანდელ მატჩში ფორტუნა გარკვეულწინად ჩვენს მხარეს იყო“.

00:31 | 19.02.2017
temo11 (856)

რაღაც მომენტში გეთანხმები,თუ მართლა ეგრე იყო. ვერ გეტყვი რა მოხდა,მაგრამ დარწმუნებული ვარ რაღაც იყო,ასეთი შეცვლა ტაიმებს შორის? მაგრამ მოთამაშების და მწვრთნელის დადანაშაულება? რთულია,ვერ წარმომიდგენია ვის შეუძლია საკუთარი თამაში გაყიდოს

12:09 | 18.02.2017
kikvidze22 (34)

ატვირთონ თამაში!
დიდ შესვენებაზე მაშინ როცა ვიგებდით 8 ქულას რუსთავის მოგებას ჰქონდა 9 კუში ხოდა თამაშის დაწყებამდე ეს 9 კუში უცებ ჩამოვარდა 5-ზე! თან ისეთ დიდ ტოტალიზატორში როგორიც ბეთ365-ია!
დიდი მიხვედრილობა არ უნდა რომ დიდი ფული დაიდო რუსთავის მოგებაზე და ჩვენი გუნდიც გაჩერდა მეორე ტაიმში!
არანაირი მსაჯები პირველ რიგში გუნდში უნდა მოიძებნონ გამყიდველები!

12:08 | 18.02.2017
kikvidze22 (34)

კომენტარი დაბლოკილია ცენზურის ავტომატური ბლოკირების მიერ, ის შეიძლება დაიშვას მოდერატორის მიერ

00:17 | 18.02.2017
levani82 (39916)

თამაში იუთუბზე აიტვირთება და ვნახოთ

23:38 | 17.02.2017
levani82 (39916)

თამაში იუთუბზე აიტვირთება და ვნახოთ

23:36 | 17.02.2017
levani82 (39916)

eke99

სპანოლო ამდენი ხნით როგორ დაიმატეს, როცა "რუსთავი" საბიუჯეტო გუნდია და კლუბის ხელმძღვანელობამ რა იცის ახალ სეზონზე ბიუჯეტი რამდენი ექნება

23:48 | 17.02.2017
eke99 (864)

Sponsorebic yavt kerdzo

23:54 | 17.02.2017
temo11 (856)

რამდენი აქვს ბიუჯეტი რუსთავს ხომ არ იცი? თუ მერია აფინანსებს და სპონსორებიც ყავს,ცუდი ბიუჯეტი არუნდა ქონდეს და მაშინ უკეთესი გუნდიც უნდა ყავდეთ

01:18 | 18.02.2017
eke99 (864)

Dzalian cota rogorc vici . Ramdensac saxelmcifo dafinanseba itvaliscinebs magdeni acbt da isic ramdenadac axsnes gundis cevrebma mtels celze da ara sezonze anu sezon naxevarze .

23:28 | 17.02.2017
temo11 (856)

ნუ სიცხიანი იყო ტუბაკიცც, 1 დგეაო სიცხე აგარ აკვსო, და ცინცადზეს კუნტი გაწყვეტილი ქონია, მაგრამმ კარგია რომ მოიგო რუსთავმა,გადანაწილდა ადგილები და მეოთხე ადგილისთვის იბრძოლონ სხვებმა, სამეული გარკვეულია

23:51 | 17.02.2017
eke99 (864)

ხო ეგრეა. კარგი კალათბურთი და კონკურენცია კარგია ჯამში . გაიხარე ობიექტური შეფასებები იცი და კაია. ხვალ მგზავრები -ოლიმპი რას იტყვი?

23:56 | 17.02.2017
temo11 (856)

მგზავებმა მოუმატა აშკარად, თანაბარი თამაში იქნება,ვნახოთ თუ გატეხავს ნავს დ თუ მოუგებს ოლიმპს

22:29 | 17.02.2017
eke99 (864)

თემო როგორ გითხარი მოიგეს. ბრისგმა კიდევ სიცხიანმა გადამწყვეტ დროს სათქმელი თქვა და პლუს სპანოლოს არც არავინ კარგავს 2 წლით არისო რუსთავში

21:41 | 17.02.2017
temo11 (856)

როგორც ვამბობდი კარგი თამაში იქნებოდა, და გამართლდა კიდეც, და რაც მთავარია ის გამართლდა რომ ბრიგსი არ არის ის დონე რაც ბევრს ეგონა სპანოლო ჯობია. იმედია არ დაკარგავენ სპანოლოს ბრიგსის გამო

სარეკლამო ადგილი - 22
250 x 250
0.149332