ცნობილი ქართველი მოჭადრაკე ნანა იოსელიანი 55 წლის იუბილესთან დაკავშირებით საქართველოს სპორტისა და ახალგაზრდობის საქმეთა მინისტრმა ტარიელ ხეჩიკაშვილმა სპორტის რაინდის ორდენით დააჯილდოვა.

შეგახსენებთ, რომ ნანა იოსელიანი არის საჭადრაკო ოლიმპიადის 5-გზის ჩემპიონი, მსოფლიოს ორგზის ვიცე-ჩემპიონი, ევროპის ორგზის და ყოფილი საბჭოთა კავშირის ოთხგზის ჩემპიონი. დაჯილდოებულია ვახტანგ გორგასლის მესამე ხარისხის ორდენით. ამჟამად საქართველოს ჭადრაკის ფედერაციაში ქალთა ჭადრაკს ხელმძღვანელობს.