ფლორენციის “ფიორენტინას” “ბარსელონასგან” ესპანელი შემტევის კრისტიან ტელოს გამოსყიდვა სურს. 25 წლის ფეხბურთელი მიმდინარე ფლორენციელთა რიგებში იჯარის წესით ირიცხება.
იტალიური მედიის ცნობით, “ბარსელონა” ტელოს 9.5 მილიონ ევროდ აფასებს. ტრანსფერი სავარაუდოდ სეზონის ბოლოს განხორციელდება.
მიმდინარე სეზონში ტელომ “ფიორენტინას” შემადგენლობაში 20 შეხვედრა ჩაატარა, სადაც სამი გოლი გაიტანა და ამდენივე საგოლე გადაცემა გააკეთა.
