სარეკლამო ადგილი - 3
227 x 91
ბლოგი

17:40 | 15.01.2017 | ნანახია 1335 - ჯერ

მანიაკები

კარგად თუ დააკვირდებით, ამ ქვეყანაში იმდენი მანიაკი დადის, შეიძლება ქუჩაში ფეხი ვერ აუქციოთ. სხვადასხვა გადახრების მქონე ფარული მანია ადამიანს ძალიან უცნაურ ვითარებაში შეიძლება აღმოაჩნდეს. მაგალითად ზიხარ ავტობუსში და ხედავ, რომ ავტობუსის სკამების დიდი ნაწილი მავანი მანიაკის მიერ დაჭრილ-დაჩეხილია. ამ დროს შეიძლება სულაც არ იფიქრო, რომ ამის გამკეთებელი ჩამოყალიბებული მანიაკია, მაგრამ თუ კარგად დავფიქრდებით, ძალიან ადვილად მივალთ იმ დასკვნამდე, რომ საქმე გვაქვს ადამიანთან, რომელიც საკუთარ განუხორციელებლობას ავტობუსის საზურგეზე დანის გასმა-გამოსმით ერთგვარად აბათილებს.

ასეთი სულის ადამინები ძალიან ბევრია, თუმცა მათი დიდი ნაწილი ახერხებს საკუთარ არსებაში არსებული მხეცის დამალვას და ზოგი ისე კვდება, რომ ვერავინ ვერ იგებს პოტენციური შეშლილის ფარულ ზრახვებს. კაცი არ მეგულება, რომელსაც ლამაზი, თუნდაც ოდნავ მოშიშვლებული ქალის ფოტოსურათის ცქერა არ სიამოვნებდეს, მაგრამ არიან ისეთები, რომელთაც ქალის სილამაზე ზოოფილურ ანდა კიდევ უფრო უარესი, ნეკროფილურ ფილმებში წარმოუდგენიათ. ასეთ თემებზე ხმამაღლა, რა თქმა უნდა, არავინ ისაუბრებს და არც საუბრობენ, მაგრამ ყველას მშვენივრად მოგვეხსენება, რომ არაფერია დაფარული, რომელიც "არა განცხდდეს".

მანიაკალური გადახრის ერთ-ერთი ფორმის შესახებ ჩემმა ფეხბურთელმა ნაცნობმა მიამბო. როგორც მომიყვა, მის გუნდში თამაშობდა ერთი ბიჭი, რომელსაც აუტანლად უყვარდა ფეხმტკივანი და თამაშისას მიღებული ტრამვისაგან აღმუვლებული თანაგუნდელების ცქერა. თურმე როდესაც ვინმე თამაშზე ან ვარჯიშზე ტრამვას მიიღებდა, ეს მანიაკი უმალ წყვეტდა თამაშს და თვალგაშტერებითა და აშკარა სიამოვნებით დასცქეროდა პარტნიორის დასახიჩრებულ ფეხს. არ იფიქროთ, რომ მიეხმარებოდა ან წამოაყენებდა ტრამვამიღებულს. პირიქით.. თურმე ის უფრო მოსწონდა რაც უფრო დიდი ხანი ეგდო მიწაზე და იკლაკნებოდა მისი უიღბლო კოლეგა.

მანიაკალური გადახრის მქონე ფეხბურთელს მწვრთნელმაც და ფეხბურთელებმა არაერთხელ მისცეს შენიშვნა და ერთხელ ვარჯიშის დასრულების შემდეგ სცემეს კიდეც, მაგრამ ვერა შესმინეს რა. ბოლოს კი მიუხედავად იმისა, რომ ცუდად არ თამაშობდა, ვეღარ აიტანეს მანიაკი ფეხბურთელი და გუნდიდან დაითხოვეს. ის ბიჭი ფეხბურთელის ნაცვლად შემთხვევით ექიმი რომ გამოსულიყო, წარმოიდგინეთ რა საზარელ ამბებს დაატრიალებდა. საავადმყოფო ალბათ მასთან ოპერაციაზე ან გასინჯვაზე მისული პაციენტების გვამებით აივსებოდა.

ფსიქოლოგებს თუ დავესესხებით, ასიდან სულ მცირე ათ ადამიანს მაინც აქვს გარკვეული მანიაკალური გადახრა და მათი მესამედი ახერხებს საკუთარი ბნელი ზრახვების რეალურად განხორციელებას. დანარჩენები კი პასიური მანიაკები არიან და არავინ არ იცის როდის გაიღვიძებს მათ სულში მიძინებული ურჩხული.

სარეკლამო ადგილი - 25
710 x 104
Loading...

კომენტარები (1)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
03:37 | 16.01.2017
BEERTRANCE (91611)

ჩვენს მთხლებურთელებს მანია აქვთ ქომაგებს აგინებინონ თავი DDDDDDDDDDDDDDDDDDდდ

სარეკლამო ადგილი - 6
250 x 250
სარეკლამო ადგილი - 7
250 x 250
სარეკლამო ადგილი - 31
250 x 250
სარეკლამო ადგილი - 22
250 x 250
სარეკლამო ადგილი - 23
250 x 531
0.256297