“მანჩესტერ იუნაიტედის” ფრანგი ფეხბურთელი პოლ პოგბა შესაძლოა, მალე ახალ ამპლუაში მოგვევლინოს – საქმე ისაა, რომ “იუნაიტედის” მთავარი მწვრთნელი ჟოზე მოურინიო პოგბას ცენტრალ მცველად უპირებს გამწესებას.

“პოლ პოგბა ტოპ მოთამაშეა და ვფიქრობ, ფენომენალური ცენტრალური მცველი იქნება. მას შესანიშნავი პასი აქვს, ბრწყინვალედ თამაშობს მეორე სართულზე და ჩემი აზრით, დაცვიდან ბურთს კარგად ამოიტანს”, - უთხრა “განსაკუთრებულმა” Sky Sport-ს.

მოგეხსენებათ, პოგბა “მანჩესტერმა” ტურინის “იუვენტუსიდან” 105 მილიონ ევროდ შეიძინა, თუმცა ფრანგმა დღემდე ვერ გამოავლინა თავისი პოტენციალი “ოლდ ტრაფორდზე”. ბევრი ამას, მის სათამაშო პოზიციას აბრალებს, რადგან პოგბა “იუვესგან” განსხვავებით, “მანჩესტერში” საყრდენის პოზიციაზე თამაშობს. ახლა კი, საინტერესოა, რას ფიქრობს, მოურინიოს იდეაზე და ცენტრალურ მცველობაზე...