ფორმულა 1-ის ქარავანი ავსტრიას ეწვია, სადაც თავისუფალი პრაქტიკები გაიმართა და ორივეზე საუკეთესო დრო ნიკო როსბერგს ჰქონდა. ლუის ჰამილტონს ორივე სესიაზე მეორე საუკეთესო დრო ჰქონდა და მეორე სესიაზე თანაგუნდელს ბევრითაც არ ჩამორჩენია. მაგრამ რბოლის შემდგ წუწუნი დაიწყო, პრობლემა ჩემშია, მანქანა კარგად მუშაობს, მაგრამ რაღაც არ გამომდისო.
უნდა ითქვას, რომ რაც ავსტრიული ეტაპი ფ1-ის კალენდარში დაბრუნდა, მის კვარცხლბეკზე მხოლოდ ის პილოტები ადიან, რომლებიც „მერსედესის“ ძრავებით ასპარეზბენ. როსბერგი კი ერთადერთი მოქმედი პილოტია, ვისაც ზალცბურგის ტრეკზე გამარჯვება აქვს მოპოვებული. ორივე შემთხვევაში მეორე ადგილი ჰამილტონმა დაიკავა.
აღსანიშნავია, რომ „მერსედესის“ ორივე პილოტი „რედ ბულ“ რინგზე ახალი ძალური დანადგარით იასპარეზებს. სხვათა შორის, ორ კომპონენტში, ჰამილტონმა უკვე ამოწურა სეზონის ლიმიტი. მან უკვე გამოიყენა ხუთ-ხუთი ტურბოკომპრესორი და თბური ენერგიის აღდგენის სისტემა (MGU-H). ამ ორიდან რომელიმეს ლიმიტის გადაჭარბების პირველ შემთხვევაში, პილოტი სტარტზე 10 ადგილით უკან იწევს. ახლავე შეიძლება ითქვას, რომ ჰამილტონს ტიტულისთვის ბრძოლაში ეს ფაქტორი აუცილებლად შეუშლის ხელს. ის ვარაუდობს, რომ მინიმუმ ორჯერ მოუწევს ლიმიტის გადაჭარბება.
მეორე სესიაზე ამინდი გაჭირვეულდა - თავიდან მზე ანათებდა, შემდეგ კოკისპირულმა დასცხო, თუმცა სესიის დასრულებამდე გამოიდარა და ისე დაცხა, ასფალტიც კი გააშრო. მშრალი პირველი სესიის მიუხედავად, ჰამილტონს ერთი ინციდენტი შეემთხვა - დატრიალდა და გზის მიღმა ხრეშზე გადავიდა, რასაც ტრასაზე უსაფრთხოების ვირტუალური რეჟიმის ჩართვა მოჰყვა.
პრაქტიკებზე იუბილარის რანგში იასპარეზა დანიელ რიკიარდომ, ვისაც 27 წელი შეუსრულდა. ეს ამბავი მან ორივე სესიაზე მე-5 შედეგით აღნიშნა. პირველ პრაქტიკაზე მესამე დრო სებასტიან ფეტელს ჰქონდა, მეორეზე კი ეს ადგილი ნიკო ჰულკენბერგმა დაიკავა. სხვათა შორის, ფეტელის ბოლიდზე გადაცემათა კოლოფი გახდა გამოსაცვლლი, რის გამოც მსოფლიოს ოთხგზის ჩემპიონს სტარტზე ხუთი ადგილით უკან დაწევა მოუწევს.
ტრასაზე ახალი ასფალტია და მოსახვევებში ახალი კერბები დააყენეს, რამაც მაქს ფერსტაპენს პრობლემები შეუქმნა. „რედ ბულის“ ჰოლანდიელმა პილოტმა მათ „წარმოუდგენელი“ და „სახიფათო“ უწოდა. ერთხელ სწორედ ამ კერბებზე გადავლის შემდეგ, მის ბოლიდზე საკიდარი დაზიანდა. არადა, კერბების ახალი კონსტრუქციის მიზანი ისაა, რომ პილოტებს მათზე გავლის სურვილი გაუქრეთ და მოსახვევებშიც ტრასის საზღვრებში იარონ.
ავსტრიის დიდი პრიზი
პირველი თავისუფალი პრაქტიკა
- ნიკო როსბერგი (გერმანია, მერსედესი) 1:07.373
- ლუის ჰამილტონი (ბრიტანეთი, მერსედესი) 1:07.730
- სებასტიან ფეტელი (გერმანია, ფერარი) 1:08.022
- კიმი რაიკონენი (ფინეთი, ფერარი) 1:08.222
- დანიელ რიკიარდო (ავსტრალია, რედ ბული) 1:08.528
- კარლოს საინსი (ესპანეთი, ტორო როსო) 1:08.803
- ფელიპე მასა (ბრაზილია, უილიამსი) 1:08.824
- მაქს ფერსტაპენი (ჰოლანდია, რედ ბული) 1:08.962
- დანილ კვიატი (რუსეთი, რედ ბული) 1:08.990
- ვალტერი ბოტასი (ფინეთი, უილიამსი) 1:08.998
- რომენ გროჟანი (საფრანგეთი, ჰაასი) 1:09.078
- ნიკო ჰულკენბერგი (გერმანია, ფორს ინდია) 1:09.280
- ჯენსონ ბატონი (ბრიტანეთი, მაკლარენი) 1:09.365
- ფერნანდო ალონსო (ესპანეთი, მაკლარენი) 1:09.567
- კევინ მაგნუსენი (დანია, რენო) 1:09.707
- პასკალ ვერლაინი (გერმანია, მენორი) 1:09.775
- ჯოლიონ პალმერი (ბრიტანეთი, რენო) 1:09.851
- მარკუს ერიკსონი (შვედეთი, ზაუბერი) 1:09.929
- ესტებან გუტიერესი (მექსიკა, ჰაასი) 1:10.110
- ფელიპე ნასრი (ბრაზილია, ზაუბერი) 1:10.314
- რიო ჰარიანტო (ინდონეზია, მენორი) 1:10.493
- ალფონსო სელისი (მექსიკა, ფორს ინდია) 1:10.860
მეორე თავისუფალი პრაქტიკა
- ნიკო როსბერგი (გერმანია, მერსედესი) 1:07.967
- ლუის ჰამილტონი (ბრიტანეთი, მერსედესი) 1:07.986
- ნიკო ჰულკენბერგი (გერმანია, ფორს ინდია) 1:08.580
- სებასტიან ფეტელი (გერმანია, ფერარი) 1:08.589
- დანიელ რიკიარდო (ავსტრალია, რედ ბული) 1:08.649
- კარლოს საინსი (ესპანეთი, ტორო როსო) 1:08.713
- მაქს ფერსტაპენი (ჰოლანდია, რედ ბული) 1:08.761
- კიმი რაიკონენი (ფინეთი, ფერარი) 1:08.820
- ვალტერი ბოტასი (ფინეთი, უილიამსი) 1:08.941
- ჯენსონ ბატონი (ბრიტანეთი, მაკლარენი) 1:08.994
- ფერნანდო ალონსო (ესპანეთი, მაკლარენი) 1:09.075
- ფელიპე მასა (ბრაზილია, უილიამსი) 1:09.184
- დანილ კვიატი (რუსეთი, რედ ბული) 1:09.207
- სერხიო პერესი (მექსიკა, ფორს ინდია) 1:09.226
- კევინ მაგნუსენი (დანია, რენო) 1:09.525
- ჯოლიონ პალმერი (ბრიტანეთი, რენო) 1:10.020
- პასკალ ვერლაინი (გერმანია, მენორი) 1:10.034
- ესტებან გუტიერესი (მექსიკა, ჰაასი) 1:10.138
- მარკუს ერიკსონი (შვედეთი, ზაუბერი) 1:10.140
- რომენ გროჟანი (საფრანგეთი, ჰაასი) 1:10.400
- ფელიპე ნასრი (ბრაზილია, ზაუბერი) 1:10.444
- რიო ჰარიანტო (ინდონეზია, მენორი) 1:11.328
