მას შემდეგ, რაც არგენტინელ თანატოლებთან 2 საკონტროლო მატჩი მოილია, საქართველოს 20-წლამდე მორაგბეთა ნაკრებს დაპირისპირება ურუგვაისთან ელის.

უმცროსი “ბორჯღალოსნები” სამხრეთამერიკული ტურნეს მე-2 ნაწილის ჩასატარებლად, არგენტინიდან ურუგვაისკენ გეზს, დღეს, ადგილობრივი დროით 13:00 საათზე აიღებენ.

გასაკვირი არაა, რომ მონტევიდეოში ჩაფრენის შემდეგ, დღის უმეტესი ნაწილი აღდგენას დაეთმობა, 26 თებერვლიდან კი უშუალოდ ურუგვაის 20-წლამდელთა ნაკრების წინააღმდეგ გასამართი 2-მატჩიანი სერიისთვის მზადება დაიწყება.

შეგახსენებთ, რომ მატჩის ხილვის საშუალება არც ტელე-ტრანსლაციით იქნება შესაძლებელი და არც – ინტერნეტ-სთრიმით. შესაბამისად, მატჩის ინფორმაციულ განახლებებს, ტრადიციულად, საქართველოს რაგბის კავშირის ოფიციალური თვითერი მოგვაწვდის @GeorgianRugby

ასევე გაცნობებთ, რომ ტურნეს მატჩების ჩანაწერი, 20 წლამდელთა მსოფლიო ჩემპიონატამდე არ დაიდება, ვინაიდან ეს შეხვედრები ტურნირისთვის მოსამზადებელ ეტაპს წარმოადგენს.

დარჩენილი მატჩების განრიგი

ურუგვაი - საქართველო

28 თებერვალი, მონტევიდეო – 16:00 ადგ. დროით (საქ. დროით 23:00)

4 მარტი, მონტევიდეო – 16:00 ადგ. დროით (საქ. დროით 23:00)

www.rugby.ge