ხელბურთის ეროვნული ჩემპიონატი ქუთაისის სპორტის სასახლეში გაგრძელდა. პრინციპული მეტოქეების, ტექნიკური უნივერსიტეტისა და სამტრედიის მატჩი სტუ-მ 34-31 მოიგო, ქუთაისმა დაამარცხა ქარიშხალა, 40-35.

თანაბარი დასაწყისის შემდეგ, მე-15 წუთისთვის სტუ 8-4 დაწინაურდა, მაგრამ ირაკლი თევზაძის ლიდერობით სამტრედიამ 25-ეზე გაათანაბრა, ხოლო ტაიმის ბოლო შეტევაში ჯაბა ხაჟომიამ პირველად დააწინაურა თავისი გუნდი - 16-15. მეორეში სამტრედიამ სხვაობა გაზარდა (22-19, 38-ე წუთი), 45-ეზე ფრე იყო, 23-23, შემდეგ კი შალვა სტურუამ და თედო ჭელიძემ ანგარიში 25-23 გახადეს, ხოლო ბოლო ხუთწთეულში, თემურ ორჯონიკიძემ გაიტანა ზედიზედ 3 გოლი და თამაშის ბედიც აქ გადაწყდა. 34-31, სტუ-მ ზედიზედ მეექვსე მატჩი მოიგო და პირველ წრეს ლიდერად დაასრულებს.

ქუთაისმა 5-0 დაიწყო ქარიშხალასთან. თბილისელებმა პერსონალურად აიყვანეს კბილაშვილი, მაგრამ გამკლავება უჭირდათ პივოტ გრიშიკაშვილთან და 5-6 ბურთით აგებდნენ, თუმცა, ტაიმის ბოლოს ზაზა ფერაძემ მაინც შეამცირა სხვაობა სამამდე - 18-21. შესვენების შემდეგ ზედიზედ სამჯერ გაიტანა გიორგი კვერნაძემ - 24-18 და ამის შემდეგ გამარჯვებულის ვინაობა საეჭვო აღარ გამხდარა - 40-35.

10 თებერვალს ქუთაისში თამაშობენ სამტრედია-ქარიშხალა, ქუთაისი-სტუ.

ხელბურთი. საქართველოს ჩემპიონატი. კაცები, უმაღლესი ლიგა, 2015-16
9 თებერვალი, ქუთაისი, სპორტის სასახლე
სამტრედია-სტუ 31-34
სამ: ა. სამიტაშვილი - თევზაძე 12, ხაჟომია 6, სიმონია 5, ვ. ზურაბიანი 4, გოგოლაძე 4, გიორგაძე, ანტონოვიჩი
სტუ: ტორონჯაძე - კობახიძე 7, ჭელიძე 7, ორჯონიკიძე 7, სტურუა 6, ი. სამიტაშვილი 3, არსენაშვილი 2, ჯორბენაძე 2, ზაალიშვილი
ქუთაისი-ქარიშხალა 40- 35
ქუთ: სამყურაშვილი, გულეიშვილი - კვერნაძე 9, რუსტამოვი 8, კბილაშვილი 6, გრიშიკაშვილი 6, მათნაძე 6, ჩიხლაძე 3, ჯუღელი 1, უ. კობახიძე 1
ქარ: ხანდოლიშვილი - ზ. ფერაძე 10, გ. ფერაძე 6, საჯაია 5, ბულბულაშვილი 4, მამულაშვილი 4, შევჩენკო 3, ასაბაშვილი 2, ციხიშვილი 1, ჭინჭარაძე, დემეტრაშვილი, თიგიშვილი,
მსაჯები: ა. ნოვიკოვი, რ. პერეპელიცა (უკრ)
ტექნიკური დელეგატი: მ. ჩიხლაძე, მეთვალყურე: ი. ჭკუასელი
---------------თ—მ—ფ—წ—-----ბ-----ქ
სტუ-----------6—6—0---0---220-187-12
BSB ბათუმი--5—4—0—1---172-146--8
სამტრედია---6—4—0—2—227-183--8
პეგასი---------5—3—0—2---164--172--6
ქუთაისი------6—3—0—3---205-215--6
ქარიშხალა----6—2—0—4---214-225--4
თელავი-------5—0—0—5---141-159--0
ფოთი---------5—0—0—5---176-233--0
10 თებერვალი, ქუთაისი, სპორტის სასახლე
13:00 სამტრედია-ქარიშხალა, 15:00 ქუთაისი-სტუ
11 თებერვალი, თბილისი, არენა
14:00 პეგასი-ფოთი, 16:00 იმედი თელავი-ბათუმი
12 თებერვალი, თბილისი, არენა
13:00 პეგასი-ბათუმი, 15:00 იმედი თელავი-ფოთი

საქართველოს ხელბურთის ფედერაციის პრესსამსახური