საქართველოს 15-წლამდე კალათბურთელთა ნაკრებმა ლიტვის დედაქალაქ ვილნიუსში მიმდინარე ევროპის ახალგაზრდულ ლიგაში მესამე გამარჯვება მოიპოვა.

გუშინ ქართველებმა ლიტვურ SMK-ს მოუგეს, რის შემდეგაც რუსეთის ძლიერ წარმომადგენელ, მოსკოვის „ხიმკის“ შეხვდნენ და მასაც სძლიეს - 73:59.

საქართველოს ნაკრებში თავი გამოიჩინა აღნიშნულ ასაკთან შედარებით უმცროსმა - 14-წლამდელთა ნაკრების წევრმა ვოვა თავაქარაშვილმა.

გორელმა მოზარდმა კალათბურთელმა 20 ქულა და 7 მოხსნა მოაგროვა. 21 ქულა მიითვალა ირაკლი სულხანიშვილმა, რომელიც ასევე ასაკით უფროს – 16-წლამდელთა ნაკრებში თამაშობს ხოლმე.

საქართელოს ნაკრებს ვილნიუსის ეტაპზე 4-დან 3 მოგება აქვს და დღეს, ევროპის ლიგის მეორე ეტაპის დასკვნით მატჩში ლიტვის დედაქალაქში ბოლო მატჩს – ლიტვურ კლუბ „ვილნიუსთან“ გამართავს.

ევროპის ახალგაზრდული ლიგა. U15. ვილნიუსი. ლიტვა

საქართველო 73:58 ხიმკი (რუსეთი)

www.gbf.ge