საქართველოს ეროვნული ნაკრების ნახევარმცველის ჯაბა კანკავას გოლი გერმანიის კარში უეფას 2016 წლის ევროპის ჩემპიონატის შესარჩევი ეტაპის ათ საუკეთესო გოლის სიაში მოხვდა.
საქართველოსა და გერმანიის დაპირისპირების 53-ე წუთზე “რეიმსის” ფეხბურთელმა ანგარიში ლამაზი დარტყმით გაათანაბრა.
კანკავას გარდა უეფამ ევროშესარჩევი ეტაპის მატჩებიდან ისკოს, კრიშტიანუ რონალდუს, სანდრო ვიესერის, ჯეკ უილშირის, ნემანია მატიჩის, გარეთ ბეილის, ჟოაო მოუტინიოს, ბილალ კისას და სტივენ ფლეტჩერის გატანილი გოლები გამოარჩია.
