რომის “ლაციოს” ვეტერან ფორვარდ მიროსლავ კლოზეს გამოკვლევა ხუთშაბათს ჩაუტარდება, რის შემდგომაც მისი ტრავმის ხარისხი საბოლოოდ დადგინდება. ამის შესახებ რომაული გუნდის ექიმმა რადიო lazio style-თან საუბრისას განაცხადა.

“მიროს მარცხენა ბარძაყის დაზიანება აქვს. მას ხვალ გამოკვლევა ჩაუტარდება და შემდეგ გვეცოდინება ტრავმის ხარისხი”, - თქვა სალვატორიმ.

“არწივების” ექიმმა “ლაციოს” კიდევ ერთი დაშავებული ფეხბურთელის, სტეფან დე ვრეის შესახებაც ისაუბრა:

“საბედნიეროდ, დე ვრეის ტრავმა სერიოზული არაა. ის უბრალოდ დაიღალა და ახლა თავს კარგად გრძნობს”, - დაასრულა მან.

ორივე ზემოხსენებულმა ფეხბურთელმა დაზიანება ლევერკუზენის “ბაიერთან” ჩემპიონთა ლიგის პლეი-ოფის მატჩში მიიღო, რომელიც იტალიელებმა (1:0) მოიგეს.