მოახლოებულ სფფ-ს საპრეზიდენტო არჩევნებთან დაკავშირებით ტელეკომპანია “იმედისთვის” მიცემულ ინტერვიუში საქართველოს პრემიერმა კახა კალაძემ და სფფ-ს პრეზიდენტობის სავარაუდო კანდიდატმა ლევან კობიაშვილმა ისაუბრეს.
“გულშემატკივრების ოცნებაა მივხედოთ ქართულ ფეხბურთს, საქართველოს ჩემპიონატს. სახელმწიფო ეცდება მიიღოს მონაწილეობა მდგომარეობის გამოსწორებაში. ვგულისმხობ ფინანსურ დახმარებას.
სფფ-ს ახალ პრეზიდენტთან დაკავშირებით ჩემს მოსაზრებას უახლოეს მომავალში გეტყვით” – განაცხადა კახა კალაძემ.
სფფ-ს პრეზიდენტობის მსურველმა ლევან კობიაშვილმა შემდეგი კომენტარი გააკეთა:
“ლევან კობიაშვილს არ სჭირდება დახმარება, დახმარება სჭირდება ქართულ ფეხბურთს.
იცით რომ გერმანიაში ვმუშაობდი, შემდეგ კი საქართველოში დავბრუნდი. გადავწყვიტე ქართულ ფეხბურთში აქტიურად ჩავერთო. რასაკვირველია ჩემი მხრიდან ესეც გარკვეული დახმარებაა” – აღნიშნა კობიაშვილმა.
ტელეკომპანია “იმედის” მიერ გავრცელებული ინფორმაციით, სფფ-ს საპრეზიდენტო არჩევნებში მონაწილეობას მერაბ ჟორდანია მიიღებს, რომელიც 1998-2005 წლებში იკავებდა სფფ-ს პრეზიდენტის პოსტს.
