აზერბაიჯანული საფეხბურთო კლუბის ბაქოს “ინტერის” პრეზიდენტმა გიორგი ნიკოლოვმა ყოფილი მთავარი მწვრთნელის კახა ცხადაძის შემცვლელები დაასახელა, რომელთა შორის ორი ქართველია.
“საიდუმლო არაა, რომ მწვრთნელობა პირველ ყოვლისა გიორგი ჩიხრაძეს შევთავაზეთ. ეს სპეციალისტი ჩვენს კლუბში ადრე უკვე მუშაობდა და აზერბაიჯანული ფეხბურთი კარგად იცის. თუმცა, ჩიხრაძეს ჯერ პასუხი არ უთქვამს.
ასევე, გუნდის გაწვრთნა ზაურ სვანაძეს შევთავაზეთ, რომელიც ცხადაძის ასისტენტად მუშაობდა. თუ ორივე უცხოელი უარს გვეტყვის, მაშინ მთავარი მწვრთნელის პოსტს ან დუბლის თავკაცს რამილ ალიევს ან ელშად ჰუსეინოვს ჩავაბარებთ” – იუწყება ნიკოლოვის სიტყვებს ინტერნეტრპორტალი azerifootball.com-ი.
