იტალიური “მილანის” 38 წლის მეკარე კრისტიან აბიატი შესაძლოა მიმდინარე სეზონის შემდეგ ფეხბურთიდან წავიდეს. ამის შესახებ ვეტერანმა მეკარემ გამოცემა “კორიერე დელა სერას” განუცხადა.
“ან კონტრაქტს გავახანგრძლივებ, ან ფეხბურთიდან წავალ”, - თქვა აბიატიმ.
იტალიელ კიპერს კარიერის უმეტესი ნაწილი სწორედ “როსონერის” რიგებში აქვს გატარებული. სწორედ შავ-წითლებში შედგა მისი პროფესიონალური დებიუტი. სხვადასხვა დროს იგი იჯარით ტურინის “იუვენტუსში”, მადრიდის “ატლეტიკოსა” და “ტორინოშიც” თამაშობდა. მიმდინარე სეზონში კი მან სერია A-ში 9 შეხვედრა ჩაატარა.
