საქართველოს სპორტისა და ახალგაზრდობის საქმეთა მინისტრის ვაკანტურ თანამდებობაზე, საქართველოს პრემიერმინისტრმა ირაკლი ღარიბაშვილმა, ტარიელ ხეჩიკაშვილის კანდიდატურა წარადგინა.
ტარიელ ხეჩიკაშვილი "იბერია ბიზნეს ჯგუფის" პრეზიდენტი და საფეხბურთო კლუბ "საბურთალოს" მფლობელია. ასევე, ფეხბურთის განვითარების სამთავრობო კომისიის წევრი.
მთავრობის ახალი შემადგენლობა პრემიერმინისტრმა დღეს გამართულ ბრიფინგზე დაასახელა. კანონმდებლობის შესაბამისად, მინისტრის თანამდებობაზე წარდგენილი კანდიდატურები დასამტკიცებლად ჯერ პრეზიდენტს გადაეგზავნება, შემდეგ კი პარლამენტს. ღარიბაშვილმა იმედი გამოთქვა, რომ ამ პროცედურების გავლა მოკლე დროში მოხერხდება.
სპორტისა და ახალგაზრდობის საქმეთა მინისტრის პოსტი ორი დღის წინ დატოვა ლევან ყიფიანმა, რომელიც სამინისტროს 2012 წლის ოქტომბრიდან ხელმძღვანელობდა.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
კომენტარი დაბლოკილია ცენზურის ავტომატური ბლოკირების მიერ, ის შეიძლება დაიშვას მოდერატორის მიერ
როგორც მახსოვს-ეგ ჯერ ნაციონალების ბრატი იყო, მერე რომელიღაც სხვა პარტიის, ახლა ქოცი გამხდარა, რამდენზე გადახტება ბოლო-ბოლო?
ასეთები აღარ გვიკვირს ჩემო კარგო ახლაც რამდენი ყვარყარეა მთავრობაში იცი დროშები სხვადასხვა ფერის აქვტ შენახული და რომელიც დაჭირდებათ იმას ააფრიალებენ
წარმატებები ტარიელს...ბავშვობიდან ვიცნობ,რასაც ხელი მოკიდა
ყველგან წარმატებული იყო...
ამ კაცს საფეხბურთო საქმე რომ ესმის საბურთალოში დაამტკიცა. წარმატება ვუსურვოთ.
მომავალ სეზონში საბურთალოს ევროტურნირები და საპრიზო სამეული გარანტირებული აქვს აბა რავა ახალ ყველა მსაჯი თუ ფედერაცია ამ კაცს დაუწყებს პად-ხალიმს
მგონი ოცნების საუკეთესო გადაწყვეტილებააა აქამდე რაც მიიღო საკადრო პონტში
ვულოცავ და წარმატებებს ვუსურვებ.
მე მაინც მენანება ეს კაცი ქართული სპორტისთვის, იმიტო რომ საბურთალოსთვის წარმატებით მუშაობდა და ეხლა რა ეშველება საბურთალოს?
ქართულ სპორტს სახელი და გვარი კი არა დიდი დაფინანსება ჭირდება, ამისათვის არსებობს პარლამენტი და პრემიერი, თუ მათ სპორტის განვითარების კანონი არ მიიღეს და არ გამოუყვეს სპორტს დიდი ფული ტარიელ ხეჩიკაშვილი ვერაფერს ვერ გააკეთებს, სპორტი ვერ განვითარდება და ქართულ ფეხბურთს ერთი ჭკვიანი ბიზნესმენი მოაკლდება
ს.კ. საბურთალოს კარგად მიხედა, ვნახოთ მთლიანად სპორტს როგორ მოხედავს.