"შალკემ" გასვლაზე ვერ აჯობა "აუგსბურგს", უგოლო ფრეს დასჯერდა და ეს ფაქტობრივად იმას ნიშნავს, რომ ოთხეული ცნობილია: "ბაიერნი", "ვოლფსბურგი", "გლადბახი", "ლევერკუზენი". ძნელად, რომ მათ "ხუმარები" დაეწიონ, რადგან მეხუთეზე არიან და რვა ქულით ჩამორჩნენ ოთხეულს.

პირველ ტაიმში მსაჯ ფლორიან მაიერს შეეძლო "აუგსბურგის" კარში პენალტის დანიშვნა, უფრო სწორად, დარღვევა აშკარა ჩანდა მაქს მაიერის წინააღმდეგ. ორ წუთში კი მსაჯმა თითქოს შეცდომა გამოასწორაო, "შალკეს" მცველი ჟოელ მატიპი არ გააძევა ბოლო იმედის ჯარიმისთვის.

იდეალური მომენტი ჰქონდა ჰუნტელაარს, მაგრამ მეკარე ჰიტცს ვერ აჯობა. ისე კი, მეორე ტაიმში "აუგსბურგი" უკეთ თამაშობდა.

"ჰერტამ" "პადერბორნს" 2:0 სძლია და თითქმის სამშვიდობოსაა, უკვე 8 ქულით დაშორდა გასავარდნ ზონას. "პადრბორნმა" სეზონი მშვენივრად დაიწყო, მაგრამ ძალები არ ეყო და ბოლო ტურებში ვერაფერს უხერხებს მეტოქეებს. ჯერ შვეიცარიელმა ვალენტინე შტოკრმა დააწინაურა "ჰერტა", ბოლო წუთებზე კი ნიკო შულცმა კუთხურიდან ჩაწოდებულ ბურთს მიუჩინა კარში ადგილი.

ჰერტა-პადერბორნი 2:0 (0:0)

ჰერტა: კრაფტი, პლატენჰარდტი (ნჯენგი 88), ბრუქსი, ლანგკამპი, პეკარიკი, ლუსტენბერგერი, შკიელბრედი, ჰარაგუჩი, ბერენსი (ნიკო შულცი 74), შტოკერი (ჰეგელერი 76), კალუ

მწვრთნელი: პალ დარდაი

პადერბორნი: ლარს კრუზე, ბრიუკნერი, ჰანემაიერი, რაფა ლოპესი, ჰაინლოთი (კუჩკე 71), ციგლერი (კაჩუნგა 71), მეჰა, ვრანჩიჩი, რუპი (ბაკალორცი 80), ვემერი, ლაკიჩი

მწვრთნელი: ანდრე ბრაიტენრაიტერი

გოლები: 1:0 შტოკერი (68), 2:0 შულცი (88)

გაფრთხილება: ბრიუკნერი (18), ციგლერი (50), რაფა ლოპესი (66), ბერენსი (71), ლაკიჩი (81)

მსაჯი: ცვაიერი

ბურთის ფლობა: 51-49, დარტყმა: 13 (5)-9 (2), კუთხური: 3-2, თამაშგარე: 0-0, სეივი: 2-3, ჯარიმა: 17-18

აუგსბურგი-შალკე 0:0

აუგსბურგი: ჰიტცი, ვერჰაეგი, კლავანი, ჰონი, ფოილნერი (ჯი 80), კორი, ტობიას ვერნერი (მატავჟი 90), ჰიობერგი (ბაბა 66), კაიუბი, ბობადილია

მწვრთნელი: მარკუს ვაინცირლი

შალკე: ფერმანი, ნასტასიჩი, მატიპი, ჰიოვედესი, ჰიოგერი, გორეცკა (აოგო 15), ფუხსი (ფარფანი 46), ბარნეტა, მაიერი (კევინ პრინს ბოატენგი 84), ჩუპო-მოტინგი, ჰუნტელაარი

მწვრთნელი: რობერტო დი მატეო

გაფრთხილება: ჰონი (23), ნასტასიჩი (26), მატიპი (34), კორი (46), ვრნრი (55), ჰიოვედესი (66)

მსაჯი: მაიერი

ბურთის ფლობა: 47-53, დარტყმა: 21 (3)-18 (3), კუთხური: 4-4, თამაშგარე: 1-0, სეივი: 3-3, ჯარიმა: 21-23